სტრასბურგის ადამიანის უფლებათა ევროპულ სასამართლოში საქმეზე – „საქართველო რუსეთის წინააღმდეგ (საქმე II)“ ბოლო ზეპირი მოსმენა დასრულდა.

საქართველოს სახელმწიფოს ინტერესების დამცველმა, ადვოკატმა ბენ ემერსონმა განაცხადა, რომ დამოუკიდებლობიდან 100 წლის შემდეგ, რუსეთი კვლავ აგრძელებს საქართველოს ტერიტორიის აგრესიულ ოკუპაციას. თავის გამოსვლაში ემერსონმა ხაზი გაუსვა ეთნიკურ წმენდას. მისი თქმით, რუსეთის ფედერაციამ ძალისხმევა არ დაიშურა ქართველების საკუთარი ტერიტორიიდან გაძევებისთვის.

ფალსიფიკაცია და გაყალბება - ეს სიტყვათა შეთანხმებები კი ოკუპანტი ქვეყნის წარ,მომადგენლებმა დაახლოებით 100 -ჯერ ახსენეს.

რუსეთი ირწმუნება, რომ ომი საქართველომ დაიწყო.

სახელმწიფოთაშორის დავას სტრასბურგის სასამართლოს დიდი პალატა განიხილავს, რომელიც 17 ქვეყნის, მათ შორის, საქართველოდან და რუსეთიდან არჩეული მოსამართლეებითაა დაკომპლექტებული.

დიდ პალატას ადამიანის უფლებათა ევროპული სასამართლოს პრეზიდენტი გვიდო რაიმონდი (იტალია) თავმჯდომარეობს. მოსამართლეებს შორის არის საქართველოს წარმომადგენელი – ლადო ჭანტურია, რუსეთს დიმიტრი დედოვი წარმოადგენს.