აზიური ფაროსანას წინააღმდეგ ბრძოლის სახელმწიფო პროგრამაზე პარლამენტში მსჯელობა მიმდინარეობს. დოკუმენტს თვითმმართველობის კომიტეტის სხდომაზე განიხილავენ.

სოფლის მეურნეობის სამინისტროს წარმომადგრნლის განცხადებით, ფაროსანას გავრცელების ძირითადი არეალი სამეგრელოს, გურიის, იმერეთის და აჭარის რეგიონებია. მავნებელი ძირითადად თხილს, სიმინდს და ციტრუსებს აზიანებს.

სოფლის მეურნეობის მინისტრის მოადგილის გელა ხანიშვილის თქმით, თბილისის შემთხვევაში აზიური ფაროსანა ყველაზე მეტად შეინიშნება ალექსანდროვის ბაღის მიმდებარე, მოსწავლე-ახალგაზრდობის ბაღის და მთაწმინდის არეალში.

"თბილისში განთავსებული გვაქვს ფერომონები. ვერ ვიტყვით, რომ ყველა ბაღი, ყველა სკვერი და ყველა ტერიტორია აზიური ფაროსანის შემოსევით გამოირჩევა", - განაცხადა ხანიშვილმა.