"გვაბრუნებენ СССР - ში... რადგანაც ცენზურა შემოდის, მამაჩემის ყველა სიმღერას გავაცოცხლებ, გავახსენებ დეპუტატებს, რომ დრონი მეფობენ"- მიშიკო რამიშვილი

სოც.მედია - 14:24, 23 May, 2018

2908

საკანონმდებლო ინიციატივას, იმის შესახებ, რომ სასამართლოს შემოქმედებით ნაწარმოების აკრძალვა შეეძლება, ადვოკატი და მუსიკოსი მიშიკო რამიშვილი ეხმაურება. მისი თქმით, მსგავსი კანონით ქვეყნის საბჭოთა რეალობასი დაბრუნება ხდება, სწორედ ამიტომ ის აპირებს გააცოცხლოს მამამისის, კომპოზიტორის და შემსრულებლის ოთარ რამიშვილის სიმღერები რომელიც კომუნისტური ცენზურის გამო აკრძალული იყო:

"კომუნისტების დროს, მამაჩემის ოთარ რამიშვილის სიმღერები აკრძალული იყო ანუ კომუნისტური ცენზურა მოქმედებდა, მიუხედავად ამისა, მის სიმღერებს ხალხი მაინც უსმენდა და ეტრფოდა. სიმღერები რომელიც ძალიან ეწინაღმდეგებოდა კომუნისტურ იდეოლოგიას, დიქტატურას, კორუფციას, უსამართლობას და ა.შ, ალბათ ძალიან ბევრს ახსოვს სიმღერები, მენტებზე (ძაღლებზე), მთავრობაზე და მრავალი სხვა. ლექსები და სიმღერები ხალხს ახარებდა. დღევანდელი პარლამენტარები სამწუხაროდ გვაბრუნებენ СССР - ში და გვიწესებენ ყველაფერთან ერთად ცენზურას. აქედან გამომდინარე, რადგანაც ცენზურა შემოდის, მე მამაჩემის ყველა იმ სიმღერას, რომელიც დღევანდელ რეალობს ერთიერთში აღწერს, გავაცოცხლებ, შევასრულებ და ხალხს მოვასმენინებ, გავახსენებ დეპუტატებს და მთავრობას, რომ დრონი მეფობენ და არა მეფენი!!!!"- წერს მიშიკო რამიშვილი.