პარლამენტის სპორტისა და ახალგაზრდულ საქმეთა კომიტეტის თავმჯდომარის პირველი მოადგილე შოთა ხაბარელი ძიუდოისტების პროტესტს კიდევ ერთხელ ეხმაურება და აცხადებს, რომ პროცესები მისგან მართული არ არის:

„ფაქტობრივად თუ გადავხედავთ მის ბექრაუნდებს, ყოველთვის ასეთ სკანდალებში ეხვევა და დღეს მისი მოტივაციაა, რომ ხაბარელს გადააბრალოს, მისი მოტივაციაა, რომ გადააბრალოს ზვიადაურს და ასე შემდეგ. რომ იღრინება ადამიანი და ყველას უნდა ეცეს, ვინც მისი წინააღმდეგია. რა შუაშია? მე არც ვიყავი საქმის კურსში, უბრალოდ მე ვაფიქსირებ ჩემს აზრს. არასდროს არ მიტქვამს ტყული, ახლაც ვიფიცები, რომ 1%-ითაც არ არის ჩემგან ეს ყველაფერი მართული და არც იქნება“, - აცხადებს შოთა ხაბარელი.

შეგახსენებთ, რომ ძიუდოისტები ძიუდოს ფედერაციის პრეზიდენტის დავით ქევხიშვილის თანამდებობიდან გადადგომას ითხოვენ, ისინი დღეს 17:00 საათზე მთავრობის კანცელარიასთან მორიგ აქციას გამართავენ.