"სახელმწიფო გამოდის წამქეზებლად, რომ ეს ყველაფერი ქუჩაში გადაწყდეს"- მალაშხია ზაზა სარალიძის განცხადებაზე

პოლიტიკა - 12:49, 23 May, 2018

1230

ხორავაზე მოკლული მოზარდის მამა ზაზა სარალიძე "ღია პლატფორმაში" შემავალი პარტიების წარმომადგენლებს შეხვდა და ინფორმაცია მიაწოდა იმის შესახებ რომ ძალოვანი უწყებები მისი შვილის მკვლელობის გამოძიების ნაცვლად მას უთვალთვალებენ და აშანტაჟებენ, ამასთანავე სარალიძის თქმით, არსებობს საფრთხე რომ სამართლის ვერ პოვნის შემთხვევაში, მოზარდებს შორის დაპირისპირება გაგრძელდედ და პროცესებმა ქუჩაში გადაინაცვლოს.

სარალიძის ამ განცხადებას დიდი გამოხმაურება მოჰყვა პოლიტიკურ ძალებს შორის. შოთა მალაშხიას თქმით, ამ ზაზა სარალიძე სახელმწიფოებრივ ინტერესებს იცავს, ხელისდუფლება კი თავის ქმედებებით დაპირისპირების წამქეზებლად გამოდის:

„პირველ რიგში უნდა ითქვას, რომ მამის პოზიცია არის შოკისმომგვრელი, იმის მაგივრად რომ ეს ადამიანი იყოს ცხოვრებაზე დაბოღმილი, ის იცავს სახელმწიფოებრივ ინტერესებს და ამბობს, რომ არ უნდა ბავშვებმა ერთმანეთი დახოცონ და ეს ყველაფერი ქუჩაში გადავიდეს. სახელმწიფო კი გამოდის პირიქით, ამ პროცესების წამქეზებლად, რომ ეს ყველაფერი ქუჩაში გადაწყდეს და დავბრუნდეთ 90-იან წლებში. როგორც ჩანს ეს ხელისუფლება მხოლოდ კრიმინალს ეყდრდნობა და მისთვის სხვა არაფერი არსებობს. ასეთი ადამიანების ჩაგვრაზე აპირებს ყველფრის აწყობას, არავინ დაუშვებს, რომ ამ ადამიანის საქმე ბოლომდე არ იქნას მიყვანილი, ეს თუ არ მოხდება ამ ხელისუფლების ხელში, აუცილებლად მოვახერხებთ იმას, რომ ასეთმა ადამიანებმა სიმართლის გემო იგრძნონ. იმიტომ რომ სხვანაირად ქართული სახელმწიფო ვერ განვითარდება.“- განაცხადა შოთა მალაშხიამ.