"როდესაც საქმე გვაქვს ისეთ სისტემასთან, რომელიც გვეუბნება - დაიწყოს მცირეწლოვანების ომი, მერე რაო, ეს სისტემა უნდა გავაჩეროთ ნებისმიერი ხერხით"

"როდესაც საქმე გვაქვს ისეთ სისტემასთან, რომელიც გვეუბნება - დაიწყოს მცირეწლოვანების ომი, მერე რაო, ეს სისტემა უნდა გავაჩეროთ ნებისმიერი ხერხით" - ბაჩუკი ქარდავა

პოლიტიკა - 12:19, 23 May, 2018

1348

ხორავას ქუჩის ტრაგედია - მოკლული დავით სარალიძის მამა ზაზა სარალიძე დღეს „ეროვნულ-დემოკრატიული პარტიის“ ოფისში „ღია პლატფორმის“ წევრებს შეხვდა. რომლის ფარგლებში მიმდინარე გამოძიების დეტალებსა და მომხდარ ფაქტზე ისაუბრეს.

შეხვედრის დასრულების შემდეგ ჟურნალისტებთან საუბრისას ედპ-ის ლიდერმა ბაჩუკი ქარდავამ განაცხადა, რომ პროკურატურას არ უნდა შერჩეს მტკიცებულებების გაყალბების ფაქტი და პოლიტიკური სპექტრი გამოძიების მიმდინარეობისას მოკლული არასრულწლოვნის ოჯახს გვერდით დაუდგება:

„ამ ტრაგედიის ფონზე არ მეგონა თუ კიდევ ასე მწარედ მეტკინებოდა გული, რამდენად ახდენს ზეწოლას სახელმწიფო სისტემა შვილ მკვდარ მამაზე, რომელიც იბრძვის სამართლიანობის მისაღწევად. ამ ადამიანს ბევრი არაფერი სურს, მას სურდა დასჯილიყვნენ ის ადამიანები, ვინც არიან დამნაშავეები მისი შვილის მკვლელობაში. ეს პასუხისმგებლობა და ეს ფაქტი უკვე არა მხოლოდ ამ ადამიანის პრობლემაა, ეს საქართველოს თითოეული მოქალაქის პრობლემაა, რომელსაც შესაძლოა შვილი მოუკლან და მთელი სისტემა მას დაეჯახოს იმიტომ, რომ ვიღაცას ხელს აფარებენ პროკურატურაში. მე მოვისმინე მის მიმართ ნათქვამი საშინელი განცხადება, როდესაც ასეთ რამეს ეუბნები ასეთ ტრაგიკულ მდგომარეობაში მყოფ ადამიანს, ჯერ ეს არის სამარცხვინო, მაგრამ მეორეს მხრივ ადამიანი ეუბნება, თუ სამართლიანობა არ აღდგება შეიძლება მივიღოთ ე.წ. მალალეტკების ომი თბილისის ქუჩებში და ეს გინდათო? ადამიანი წუხს ამაზე, არა მარტო თავისი შვილის ფაქტზე წუხს და პროკურორისგან იღებს პასუხს, მერე რა მოჰყვეს, მე რა ვქნაო. როდესაც ასეთ სისტემასთან გვაქვს საქმე, აქ არ არის საუბარი პოლიტიკაზე, ეს არის ჩვენი მორალური, ასევე სამოქალაქო პასუხისმგებლობა. ჩვენ ბოლომდე დავუდგებით ამ ადამიანს და თუ სასამართლო ან პროკურატურა ამ დღეებშიც გააგრძელებს იმავეს, მზად ვართ ამ პროცესში ჩაერთონ არა მხოლოდ პოლიტიკოსები, არამედ მთელი სამოქალაქო საზოგადოება, ვისაც სტკივა ის, რაც ვიცით.

როდესაც საქმე გვაქვს ისეთ სისტემასთან, რომელიც გვეუბნება დაიწყოს მცირეწლოვანების ომი, მერე რაო, ეს სისტემა უნდა გავაჩეროთ ნებისმიერი ხერხით. მოვლენები ვითარდება, ყველა პროცესში განზე ვიყავით, ხვალიდან ჩავერთვებით სასამართლო პროცესი იქნება ეს თუ პროკურატურაში მიმდინარე მოვლენები, ის უდიდესი კრიმინალური დანაშაული, რაც ჩაიდინა პროკურატურამ, გაანადგურა მტკციებულებები, ეს პროკურატურას არ უნდა შერჩეს“, - განაცხადა ბაჩუკი ქარდავამ.