საქართველოს იუსტიციის მინისტრის თეა წულუკიანის განცხადებით, მმართველი გუნდის შიგნით ნარკოპოლიტიკაზე აქტიური მსჯელობები მიმდინარეობს. მინისტრის განცხადებით, ნარკორეალიზაციასთან დაკავშირებით მეტი სიმკაცრეა საჭირო:

„ის, რომ სისტემას გაადამიანურება, უფრო მეტი ჰუმანურობა სჭირდება, როცა მოხმარებას ეხება საქმე, ეს არის ფაქტი და პრინციპულად ამას ყველა იზიარებს. თუმცა როგორი უნდა იყოს კონკრეტიკაში სისტემა, ამაზე მიმდინარეობს მსჯელობა. რაც შეეხება გამსაღებლებს, აქაც არის შეჯერებული აზრი, რომ საჭიროა არამცთუ ის სიმკაცრე, რაც დღეს არის, არამედ კიდევ უფრო დიდი სიმკაცრე.

დანარჩენი უკვე როგორი კანონი იქნება, მუხლები როგორ ჩამოყალიბდება და რომელ ნივთიერებასთან მიმართებაში როგორი მიდგომა იქნება, მარიხუანასთანაც, სადაც საკონსტიტუციო სასამართლომ თავისი გადაწყვეტილებები გამოიტანა და ისინი გასათვალისწინებელია, კლუბურ ნარკოტიკთან, ჰეროინთან თუ სხვა ნივთიერებასთან მიმართებაში, ამაზე შეჯერებული პოზიციები მალე გახმოვანდება“, – განაცხადა იუსტიციის მინისტრმა.