ნარკოპოლიტიკა - საქართველოს უმაღლესი საკანონმდებლო ორგანოს თვითმმართველობის კომიტეტის თავმჯდომარის ზაზა გაბუნიას განცხადებით, ნარკომომხმარებლების მიმართ ყოველგვარი ძალადობა და რეპრესიული აქცენტები გამორიცხული უნდა იქნეს.

როგორც ზაზა გაბუნიამ ჟურნალისტებთან საუბრისას განაცხადა, მნიშვნელოვან საკითხებში ივანიშვილის აქტიური მონაწილეობა გასაკვირი არ უნდა იყოს, რადგან ის პარტია „ქართული ოცნების“ თავმჯდომარეა:

„გაფართოებულ ფორმატში პარტიის თავმჯდომარესთან ერთად მსჯელობა ნიშნავს იმას, რომ ნარკოპოლიტიკას დიდ მნიშვნელობას ვანიჭებთ. ნარკომომხმარებლების მიმართ მკაფიო დამოკიდებულება უნდა გვქონდეს და გვაქვს კიდეც. ეს არის ზრუნვაზე ორიენტირებული პოლიტიკა. ნარკომომხარებელთა მიმართ ყოველგვარი ძალადობა და რეპრესიული აქცენტები უნდა გამოირიცხოს, მაგრამ მეორე მხრივ, ნარკოპოლიტიკა მკაფიო აქცენტებს, ხაზებს და პოლიტიკას საჭიროებს იმასთან დაკავშირებით, როგორ ვებრძოლოთ ნარკორეალიზაციას, უაღრესად სახიფათო გამოწვევაა. ამას კონსოლიდირებული ბრძოლა სჭირდება. ჩვენ ვიმსჯელებთ, საპარლამენტო გუნდმა რა ნაბიჯები უნდა გადადგას, რათა ნარკოპოლიტიკასთან დაკავშირებული გამოწვევა დაძლეული იყოს და საპარლამენტო უმრავლესობის პასუხი ისეთი იყოს, რომ პრობლემები რაც არის დავძლიოთ და იმ კითხვებს ვუპასუხოთ, რაც არსებობს”, – დასძინა გაბუნიამ.