"ადამიანები ნარკოტიკების მოხმარებისთვის ციხეში არ უნდა წავიდნენ"- აკაკი ზოიძე

პოლიტიკა - 10:30, 22 May, 2018

820

პარლამენტის ჯანდაცვის კომიტეტის თავმჯდომარე აცხადებს, რომ ნარკოგასაღებასთან მიმართებაში პოლიტიკა გამკაცრდება, ხოლო ნარკომომხმარებლებთან დაკავშრებით მოხდება ჰუმანიზაცია.

მისი განცხადებით, საბოლოო ამოცანა უნდა იყოს ის, რომ მომხმარებლები ციხეში აღარ ისხდნენ.
"რა დონეზე და რა ვადებში – ალბათ, ეს იქნება მსჯელობის საგანი. რეალურად, საბოლოო ამოცანა უნდა იყოს, რომ ადამიანი ციხეში მხოლოდ მოხმარებისთვის არ უნდა წავიდეს. ამაზე ყველა თანხმდება. მსჯელობის საგანია, რა ფორმით მოხდება და გარდამავალ ეტაპზე ამის გაკეთება რა ფორმით შეიძლება. ყველა ოპონენტი უნდა დავარწმუნოთ, რომ ქვეყანაში ასეთი ცვლილებების შედეგად ნარკომომხმარებელთა რაოდენობის მატება თუ წახალისება არ მოხდება. მოხმარების გამო, ციხეში დღეს არავინ არის. არ მიგვაჩნია, რომ ეს რაღაც ფორმით წახალისებას გამოიწვევს. ამაზე საერთაშორისო გამოცდილებაც მეტყველებს, რათა ამ ადამიანების სინათლეზე გამოყვანას შევძლებთ, მათ ვაიძულებთ, მკურნალობის, ზრუნვის და პრევენციის პროგრამებს მიმართონ“, - განაცხადა დეპუტატმა.

რაც შეეხება ოდენობებს, დოზებს, აკაკი ზოიძის თქმით, ამასთან დაკავშირებით იქნება მსჯელობა, და თუ ვერ მოხდება შეჯერება, არას თქმა ყოველთვის შესაძლებელია - „როგორც იტყვიან ჯიბეში გვიდევს არა“.

„ქართული ოცნების“ ოფისში საპარლამენტო უმრავლესობის სხდომა მიმდინარეობს, რომელსაც პარტიის თავმჯდომარე ბიძინა ივანიშვილი ესწრება.