„აჰა ქოცებო... “თავისუფლად ვსუნთქავთ”, თუ ესეც აღარაა მთლად მასე?“

„აჰა ქოცებო... “თავისუფლად ვსუნთქავთ”, თუ ესეც აღარაა მთლად მასე?“ - მიხეილ სააკაშვილი

პოლიტიკა - 17:46, 18 May, 2018

3458

აჰა, ქოცებო აკომენტირეთ ეს როგორც გინდათ- სამაგიეროდ ახლა “თავისუფლად ვსუნთქავთ”, თუ ესეც აღარაა მთლად მასე? - წერს მიხეილ სააკაშვილი ფეისბუქის გვერდზე და ქვეყანაში დემოგრაფიული და ეკონომიკური ვითარების სტატისტიკურ მონაცემებს იშველიებს:

„ჩემი პრეზიდენტობის დროს საქართველოს მოსახლეობა გაიზარდა დაახლ 150 ათასი კაცით, 2012-2018 წლებში შემცირდა 750 ათასი კაცით. 2012 წლიდან 2018 წლამდე სახელმწიფო ვალი გაიზარდა 9 მილიარდი ლარით. 2012 წელს სახელმწიფო ვალი მშპს 32 % შეადგენდა, ხოლო ეხლა 43%-ია. მოვალეთა რეესტრში შესული ვალაუვალი მოქალაქეების რაოდენობა გაიზარდა 140 000 ადამიანით და დღეს დაახლ 250 ათასს შეადგენს. სიცოცხლის საშუალო ხანგრძლივობა 74.7 წლიდან(2012 წლის მონაცემი) შემცირდა 72.7 წლამდე(2017 წლის მონაცემი) . დაბადებულთა რაოდენობა 57031 ბავშვიდან (2012 წლის მონაცემი) შემცირდა 53 230მდე( 2017 წლის მონაცემი). ამ დროს ივანიშვილის ქონება საქართველოში გაიზარდა 2 მილიარდი ლარით, ბანკების მთლიანი აქტივები 12 მილიარდი ლარიდან გაიზარდა 30 მილიარდ ლარამდე, ანუ 18 მილიარდი ლარით; ხოლო ბანკების მოგება 136 მილიონი ლარიდა გაიზარდა 890 მილიონ ლარამდე, ანუ 754 მილიონი ლარით“ - წერს საქართველოს მესამე პრეზიდენტი.