საპარლამენტო უმრავლესობის წევრის დიმიტრი ცქიტიშვილის თქმით, 12 მაისს ჩატარებულ სპეცოპერაციასთან დაკავშირებით კითხვები არსებობს და ეს კითხვები შეეხება არა მხოლოდ იმას, თუ რატომ მოხდა კონკრეტულად „ბასიანზე“ და „გალერიში“ შესვლა, არამედ იმასაც, იყო თუ არა გათავისებული ის ზიანი, რომელიც ამ ქმედებით მიადგებოდა როგორც კლუბური ცხოვრების ასევე სამართალდამცავი ორგანოების რეპუტაციას. ცქიტიშვილმ ხაზი გაუსვა იმასაც, რომ განვითარებულმა მოვლენებმა გარკვეულწილად მოახდინა კლუბური ცხოვრების დემონიზაცია და გააძლიერა პოლარიზაცია სახოგადოების სხვადასხვა ნაწილს შორის:

„კითხვები თუ ჩნდება მინისტრის მისამართით, ეს იმიტომ, რომ სხვა სტანდარტია მოთხოვნების, აქამდე ეს კითხვა, რომელიც შეიძლება მე დავსვა, წინა ხელისუფლების პერიოდში უბრალოდ არ დაისმებოდა, იმდენად არარელევანტური იყო არსებული მოცემულობა. თქვენ ბატონო გიორგი ახსენით, თუ რატომ მმოხდა 12-ში ამ ოპერაციის ასეთი ფორმით დაგეგმვა, მაგრამ მგონია, რომ მაინც რჩება კითხვები, კითხვები მაქვს მეც და საზოგადოების ნაწილსაც, ერთი ის, რომ თუ გარეთდავიჭირეთ, რატომ დადგა აუცილებლობა შიგნით შესვლის, სამთვიანი წინასწარი მზადების შემდეგ, შიგნით შესვლისას ვერცერთი დამატებითი ნარკორეალიზატორი ვერ დავიჭირეთ და მაინც შევედით. რატომ გახდა საჭირო მაინცდამაინც ამ ორ კლუბში და არა სხვაში. თქვენ თქვით, რომ სხვა კლუბებზეც იყო სანქცია, იმისა რომ შესვლა და ჩხრეკა მომხდარიყო. ზოგადად რამდენად პოლიტიკურად გათავისებული და გაცნობიერებული იყო ამ გადაწყვეტილების შედეგები, იმიტომ რომ გარდა იმისა, რომ ეს სამართლებრივად კარგად აწყობილი იყო , მეორეს მხრივ იყო პოლიტიკური შედეგები, პოლიტიკურ შედეგებს ვგულისხმობ იმას, რომ ერთის მხრივ მოხდა კლუბური ცხოვრების და ახალგაზრდობის ერთი ნაწილის დემონიზება, ეს ფაქტია და ამას ვხედავდით სოციალურ ქსელებშიც და ქუჩაშიც. ის პოლარიზებული დამოკიდებულება ერთის მხრივ ამ ახალგაზრდებს რომლებიც აპროტესტებდნენ და მეორეს მხრივ კონტრაქციების, რომელიც კიდევ ცალკე თემაა და მე ვფიქრობ ამაზე გაქვთ პასუხი, ის საკითხი თუ რამდენად გაქვთ გათავისებული, არანაკლებ მნიშვნელოვანია, იმიტომ რომ ჩვენ გვაქვს საქმე იმასთან, რომ ჩვენ რეფორმებთან ერთად ვაყალიბებთ ახალ რეპუტაციას. პოლიციელს ქონდა ძალიან დიდი რეპუტაციული კრიზისი და დღეს პოლიციის რეპუტაცია პოზიტივისკენ შეიცვალა, ამ კონკრეტულმა მოქმედებას კი შეიძლება პოლიტიკური ზიანი მოეტანა ან მოიტანა კიდევაც პოლიციელების რეპუტაციის თვალსაზრისით. პოლიციელის როგორც სისტემის, თუმცა აქვე მინდა აღვნიშნო, რომ თითოეულმა პოლიციელმა ძალიან პროფესიონალურად იმუშავა, მე რაც ვნახე ჩემი თვალით და აქციის მონაწილეებიდან რაც გავიგე.“- განაცხადა დიმიტრი ცქიტიშვილმა.