„საზოგადოების ჯგუფებს შორის სიძულვილის გაღვივება შესაძლოა, ქვეყნის მტრების ინტერესებში შედიოდეს“

„საზოგადოების ჯგუფებს შორის სიძულვილის გაღვივება შესაძლოა, ქვეყნის მტრების ინტერესებში შედიოდეს“ - ანა სუბელიანი

პოლიტიკა - 11:28, 18 May, 2018

2457

სამოქალაქო აქტივისტის ანა სუბელიანის თქმით, საზოგადოება განვითარების გზას ადგას, მაგრამ პარალელურად, ძალიან ცუდი ინტერესებიდან გამომდინარე, გარკვეული ჯგუფები საზოგადოების ჯგუფებს შორის შუღლისა და სიძულვილის გაღვივებას ცდილობენ, რაც შესაძლოა, მათ შორის, ქვეყნის მტრების ინტერესებში შედიოდეს. აღნიშნულ საკითხზე სუბელიანმა „პირველი არხის“ გადაცემაში „აქტუალური თემა მაკა ცინცაძესთან ერთად“ სტუმრობისას ისაუბრა.

„საზოგადოება განვითარების გზას ადგას, მაგრამ ამის პარალელურად, ძალიან ცუდი ინტერესებიდან გამომდინარე, გარკვეული ჯგუფები საზოგადოების ჯგუფებს შორის შუღლისა და სიძულვილის გაღვივებას ცდილობენ, რაც შესაძლოა, მათ შორის, ქვეყნის მტრების ინტერესებში შედიოდეს. დღევანდელი აქციის ერთ-ერთი უმთავრესი მესიჯი სწორედ ეს იყო. ჩვენ მივმართავთ როგორც ჩვენი აქციის მონაწილეებს, ასევე იმ ადამიანებს, რომლებიც ამ აქციის მიღმა, ქუჩებში გადაადგილდებოდნენ, ნუ გახდებიან მანიპულირების ობიექტები და დაფიქრდნენ, ვის რაში შეიძლება სჭირდებოდეს ჩვენს შორის შუღლის გაღვივება.“- განაცხადა სუბელიანმა.