პარლამენტის წინ შეკრებილ პირებს სასულიერო პირმა მამა ანდრია ორმოცაძემ მიმართა და თანამოაზრეებს პარლამენტის შენობასთან მისვლისკენ მოუწოდა.

„აქ იმისთვის ვიმყოფებით რომ ჩვენი აზრი დავაფიქსიროთ, ჩვენ არ ვიწვევთ არავის, არ ვუვარდებით არავის ოფისებში, მიუხედავად იმისა, რომ ვიცით სადაა მათი ოფისები. ჩვენ გამოვდივართ საზოგადოებრივი თავშეყრის ადგილას სადაც ვაფიქსირებთ ჩვენ მართებულ პოზიციას ,, ძალიან სამწუხაროა ის ფაქტი, რომ არაერთი პიროვნების დაკავება მოხდა ჩვენს თვალწინ, ამასთან დაკავშირებით საზოგადოების თითოეულ ნაწილს ჯანსაღი აზრი უნდა გააჩნდეს, მოვიდეს, დადგეს თავისი ქვეყნის სადარაჯოზე. შევინარჩუნოთ მშვიდობა და არ წამოვეგოთ პროვოკაციას. ქრისტიანობა სიყვარულია მაგრამ ამ სიყვარულში არ მოისაზრება უსამართლობა. მსურს განუგეშოთ, რომ ჩვენ აქციას შემოუერთდებიან სასულიერო პირები, საზოგადოების ჯანსაღი წევრები და გთხოვთ ნუ მოგცემთ თქვენი გული იმის საშუალებას, რომ ამ კადრებს ტელეეკრანებიდან უყუროთ.“- განაცხადა ანდრია ოროცაძემ.

"ნიუპოსტის" კითხვაზე შეთანხმებული იყო თუ არა მისი პოზიცია საპატრიარქოსთან და საქმის კურსშია თუ არა საპატრიარქო, რომ აქციას შესაძლოა სასულიერო პირები შემოუერთდნენ, ანდრია ორმოცაძემ განაცხადა, რომ საპატრიაქოს გაფრთხილების საშუალება არ მიეცა, რადგან ის დღევანდელი მსვლელობიდან პირდაპირ აქციას შემოუერთდა, რადგან გაიგო, რომ მშვიდობიანი აქციის მონაწილეების დაკავება ხდებოდა.

"შემოგვიერთდებიან ის სასულიერო პირები სხვადასხვა ეპარქიებიდან, რომლებთანაც კომუნიკაცია შევძელი, რომ მათ თავიანთი ჯანსაღი პოზიცია დააფიქსირონ. მსურს რომ ჩვენი როლი სწორად იყოს აღქმული, ბუნებრივია, ჩვენ ყველანაირ ძალადობას ვემიჯნებით. ჩემი როლი აქ არის ის რომ საზოგადოება არ წამოეგოს პროვოკაციაზე და ფიზიკური დაპირისპირება არ იყოს. ჩემი როლი მინდა იყოს ის, რომ მშვიდობიანობა უზრუნველვყო აქ"- განაცხადა საულიერო პირმა