სიკვდილს გადარჩენილი ქართველი დიზაინერის ისტორია, რომელმაც სელენა გომეზს კაბა შეუკერა

სოც.მედია - 14:11, 16 May, 2018

11081

მეტ გალა 2018-ზე მომღერალ სელენა გომეზს ქართველი დიზაინერის შექმნილი კაბა ეცვა. დიახ, ეს სიმართლეა.

საქმე იმაშია, რომ თეა ოთარაშვილი ამერიკაში, ცნობილ ბრენდ Couch-ის გუნდის წევრია. ის ბრენდში მკერავად მუშაობს. მისი თქმით, კაბის დიზაინი მას არ ეკუთვნის, თუმცა კაბა მისი ხელით არის შექმნილი.

ამის შესახებ თეა „სარკესთან“ ინტერვიუში საუბრობს.

:მეტ გალა 2018-წე უნდა ჩაეცვა სელენა გომეზს ეს კაბა. მხოლოდ მე ვიმუშავე და ყველაფერი ხელით გავაკეთე. „ფეისბუკში“ რომ დავდე ამის შესახებ სტატიები, ცუდი გამოხმაურება მოყვა, ზოგმა დაწერა ტყულიაო. ძალიან მეწყინა, ამერიკელებმა მიმიღეს, დამაფასეს, ყველანაირად ხელს მიწყობენ, რომ წარმატებას მივაღწიო და ქართველები მლანძღავენ.

ამ მოდელზე სამი დიზაინერი მუშაობდა. მე ხელით სამუშაო შევასრულე - შევკერე, დავქარგე და ა.შ.“ - ამბობს თეა.

მისი თქმით მძიმე დაავადება გადაიტანა და სიკვდილს ძლივს გადაურჩა.

„თბილისში უმძიმესი დიაგნოზი დამიდგინეს - მიელიტი, იგივე დამბლა. მიელიტი სწრადად ვითარდება. დაახლოებით 12 საათში სრულიად პარალიზებული ვიყავი. მხოლოდ მარჯვენა ხელი და ტვინი მიმუშავებდა. წამებმა გადამარჩინა, ექიმები მალევე მიხვდნენ რა მჭირდა, თორე სხვა შემთხვევაში ტვინიც ითიშება. სულ ცოტაც რომ დაეგვიანათ, ვერ ვიცოცხლებდი.

ერთი თვე ვიწექი რეანიმაციაში და არასოდეს მიფიქრია, რომ ვერ ავდგებოდი და ეტლში დამჯდარი დავრჩებოდი. მართლაც, მოხდა სასწაული. ამ დაავადებით არავინ გამოჯანმრთელებულა. სიარული და სუნთქვა თავიდან ვისწავლე. დღესაც ცოტა მიჭირს სიარული , ნელა დავდივარ და ცოტა ვკოჭლობ“ - ამბობს თეა.