„მე ვნატრობ იმ დროს, როცა რუსეთის ლიდერს დაველაპარაკები არა რუსული ,,ძერჟავის“, არამედ რუსული ოჯახების ინტერესიდან გამომდინარე“

„მე ვნატრობ იმ დროს, როცა რუსეთის ლიდერს დაველაპარაკები არა რუსული ,,ძერჟავის“, არამედ რუსული ოჯახების ინტერესიდან გამომდინარე“ - პრეზიდენტი

პოლიტიკა - 12:36, 16 May, 2018

1347

საქართველოს პრეზიდენტის განცხადებით, ის რუსეთის პრეზიდენტთან საუბრის აზრს ხედავს მხოლოდ იმ შეთმხევავაში, თუ ეს საუბარი იქნება არა რუსული ,,ძერჟავის" ინტერესებიდან, არამედ იმ ინტერესებიდან გამომდინარე, რომელიც აქვს რუსულ ოჯახებს. გიორგი მარგველაშვილს სწორად მიაჩნია, ის პოლიტიკია, რომელიც ხელისუფლებაში მოსვლის შემდეგ მისმა გუნდმა რუსეთთან მიმართებაში აირჩია.

„ბოლო კვლევები აჩვენებს, რომ ხალხს სურს დიალოგი მოსკოვთან. რუსეთთან რა პოლიტიკაც ჩამოვაყალიბეთ ჩვენ ხელისუფლებაში მოსვლის დროს, ჩემი აზრით, არის სწორი. ჩვენ ვამბობთ: ჩვენ გთავაზობთ რაციონალურ დიალოგს. რას ნიშნავს რაციონალური დიალოგი? რაციონალური დიალოგი ნიშნავს: მოდით თქვენ, თქვენი შეხედულებებით, პრობლემებით, ინტერესებით, თქვენი ხედვით - რა შეიძლება სარგებელი ვნახოთ ერთმანეთისგან, ჩვენ მოვალთ დავსხდებით ერთად და ვისაუბროთ. სულ ვამბობ ხოლმე, მე ვნატრობ იმ დროს, როდესაც რუსეთის ლიდერს დაველაპარაკები არა მისი იმიჯიდან გამომდინარე არამედ იმის ინტერესიდან გამომდინარე, რომელიც აქვს რუსულ ოჯახს მოსკოვში თუ პეტერბურგში. აი, აქედან გამომდინარე თუ მე დამელაპარაკება რუსი ლიდერი ჩვენ დავლაგდებით. იმიტომ რომ, ამას ჰქვია თანამედროვე დიალოგის ფორმა , ე.ი. ის ისე მელაპარაკება, როგორც მე მელაპარაკება პოლონეთის პრეზიდენტი, გერმანიის კანცლერი, საფრანგეთის პრეზიდენტი. რაც ხდება დღეს რუსეთთან მიმართებაში, ჩვენ სულ ვსაუბრობთ რუსული "ძერჟავას" ინტერესებიდან გამომდინარე, არ ითარგმნება ეს "ძერჟავას" ინტერესები ოჯახის ინტერესებმდე.“- განაცხადა პრეზიდენტმა.