ბაია პატარაია შს მინსიტრის გადადგომის აუცილებლობას ვეღარ ხედავს - „შსს-მ კარგად აღიქვა და მაქვს შეგრძნება მსგავსი ფაქტები აღარ მოხდება“

პოლიტიკა - 23:10, 15 May, 2018

1482

შსს-მ კარგად აღიქვა ის პროტესტი, რომელიც მსგავს ფაქტებს შეიძლება მოჰყვეს. ამიტომ მსგავსი ნაბიჯებისგან სამომავლოდ თავს შეიკავებს - ამის შესახებ ბაია პატარაიამ ,,არჩევანის“ ეთერში განაცხადა.

მისი თქმით, მინისტრთან შეხვედრისას საუბარი იყო 12 მაისს განვითარებულ მოვლენებზე და რას ნიშნავდა გახარიას მხრიდან ბოდიში.

,,რაც ძირითადად იწვევს უკმაყოფილებას არის ის, რომ შს მინსიტრი ბოდიშს იხდის იმ შემთხვევაში, თუ დადასტურდება, რომ ეს სპეცოპერაციისას და შემდგომ მოვლენებში რაიმე გადაცდომას თუ ჰქონდა ადგილი. შინაგან საქმეთა სამინისტროში არავინ იზიარებს იმ აზრს, რომ ეს სპეცოპერაცია იყო გადამეტებული და ძალის გადამეტებას ჰქონდა ადგილი. ისინი არ აღიარებენ რომ პრობლემა იყო, თუმცა ღიად ტოვებენ იმ საკითხს, რა მოხდა კლუბის გარეთ და გვეუბნებიან, რომ მოიყვანეთ დაზარალებული და კონკრეტულ შემთხვევებზე ვისაუბროთ. მმიუხედავად იმისა, რომ ასე საუბრობდნენ დღეს და ჩვენ დავუმტკიცებთ, რომ იქ გადამეტებას ჰქონდა ადილი, მე მაქვს შეგრძნება, რომ მსგავსი ფაქტი, შეიარაღებული შევარდნა, როცა ნამდვილად ამის საჭიროება არ არსებობს, საქართველოში აღარ იქნება და ეს იქნება ბოლო, რადგან ნახეს რამხელა პროტესტი მოჰყვა“ -განაცხადა ბაია პატარაიამ.

მისივე თქმით, მოთხოვნები, რომელიც აქციაზე გაჟღერდა თავდაპირველად, სპონტანურად ჩამოიწერა და გაჟღერდა. თუმცა, მას შემდეგ, რაც ეს აქცია გადაიქცა არა მხოლოდ „თეთრი ხმაურის“, არამედ საყოველთაო აქციად, გამოიკვეთა მთავარი პრობლემა, რომ საქართველო იქცა პოლიციური სახელმწიფოდ.

მისივე თქმით, ამ ეტაპზე მნიშვნელოვანი არ არის, გადადგება თუ არა გახარია.