ბოლო დროს თბილისში განვითარებულ მოვლენებს „ერთიანი ნაციონალური მოძრაობის“ წევრი რომან გოცირიძე ეხმაურება და აცხადებს, რომ შს მინისტრი გიორგი გახარია ქვეყანას პრემიერ-მინისტრად მოევლინება.

აღნიშნულის შესახებ გოცირიძე „ნიუპოსტთან“ საუბრობს:

„გახარია იყო დამნაშავე იმაში, რაც მოხდა, ჩვენ უკვე დავინახეთ, რომ არავითარი საფუძველი არ ჰქონდა ძალის გადამეტებას, თუ ვიღაც რამედენიმე რეალიზატორი ტელევიზიით საჩვენებლად გამოიყვანეს, ფაქტორბივად, ეს ვერ ცვლის ნარკოტიკების რეალიზატორების წინააღმდეგ მიმართულ პოლიტიკას. მეორე ის, რომ ფაქტობრივად, მან ხელი არ შეუშალა ნეოფაშისტების, აგრესიული, მოძალადე ადამიანების თარეშის აღკვეთას ქალაქში. პირდაპირ არღვევდნენ კანონს, იყენებდნენ ფაშისტურ მოწოდებებსა და სიმბოლიკებს, როცა ყველანაირი ფაშისტური და საბჭოთა სიმბოლიკა კანონით არის აკრძალული, ისინი ძალადობდნენ სამართალდამცავებზე და მათი მთავარი მიზანი იყო მშვიდობიანი აქციის დარღვევა. ნურავის ეგონება, რომ იქ მდგარი ბიჭები ამ ნეოფაშისტებზე ნაკლებად ჯანიანები არიან, ვერაფერს უზამდნენ და იქით დაამტვრევდნენ თავპირს, ერთადერთი რისკი რომ არ ყოფილიყო - იქ იყვნენ ქალბატონებიც და ერთ-ერთი განმასხვავებელი ნიშანი გენდერული ბალანსიც არის ამ აქციებს შორის. ნეოფაშისტებში 100%-ით გაველურებული, შავებში ჩაცმული მამაკაცები იყვნენ, მშვიდობიან აქციაზე კი ახალგაზრდა, ლამაზი, ფერად სამოსში ჩაცმული გოგო-ბიჭები. ბუნებრივია, რომ მათი ათსაათიანი ალყა იყო დასასჯელი ქმედება კანონით, რომელიც არ ჩაიდინა გახარიამ.

რაც შეეხება მის პოლიტიკურ მომავალს, რა თქმა უნდა, კვირიკაშვილს, როდესაც მისი ორი შემცვლელი დაუნიშნეს მინისტრად - ბახტაძე და გახარია, ნათელი იყო, რომ უფრო მეტად გამოიჩენდა თავს გახარია და მას დასვამდნენ პრემიერის პოსტზე, ფინანსთა მინისტრს ძალიან ნაკლები შანსი აქვს, პირველ რიგში, მის ხელში განადგურდა რკინიგზა და მეორე, ძალიან უაზრო და პოპულისტურ ეკონომიკურ ნაბიჯებს დგამს. ეს არის პოლიტიკის პარადოქსები, ხდება ხოლმე პოლიტიკაში ასეთი რამ. ისტორიას უფრო დიდი პარადოქსები ახსოვს, რაც მოხდა ივანიშვილის თვალში, დღეს ხომ ერთადერთი შემფასებელი ივანიშვილია, მის თვალში ბახტაძესთან ბრძოლაში გახარიამ გაიმარჯვა, მაგრამ გაიმარჯვა ისე, რომ ფაქტობრივად ხელისუფლების მართული, მათ მიერ დაფინასნებული, რუსეთის პირდაპირი აგენტურაა გაერთიანებული ამ ნეოფაშისტურ ჯგუფებში, გამოიყენა სწორედ ამ პროცესების დასაწყებად. ან საპრეზიდენტო არჩევნების წინ შეცვლიან პრემიერს, ან შემდგომი არჩევნებსითვის, ეს არის ნახევარი წლის ამბავი“, - აცხადებს რომან გოცირიძე „ნიუპოსტთან“ საუბრისას.