თბილისის ღამის ეკონომიკა - ახალი სამსახური თბილისის მერიაში და გაბერილი ბიუროკრატია, აღნიშნულ საკითხზე კომენტარს „ნიუპოსტთან“ საუბრისას თბილისის საკრებულოს ფრაქცია „ნაციონალური მოძრაობის“ თავმჯდომარე ირაკლი ნადირაძე აკეთებს.

მისი თქმით, საკრებულოს უახლოეს სხდომაზე აუცილებლად დააყენებს ოპოზიცია საკითხს, გაუქმდეს აღნიშნული სამსახური და გაბერილი ბიუროკრატიისთვის გამოყოფილი თანხები თბილისის მოსახლეობის სხვა ინტერესებს მოხმარდეს:.

„თავიდანვე, როდესაც კახი კალაძე ქმნიდა თბილისის მერიაში ღამის ეკონომიკის მიმართულებას, ნიჰილისტურად ვიყავით განწყობილნი ისევე, როგორც საზოგადოების უდიდესი ნაწილი და ბოლო დღეებში განვითარებულმა მოვლენებმა ცხადად აჩვენა, რომ ეს იყო პიარისთვის შექმნილი აბსოლუტურად უმოქმედო სამსახური, მერიის დამატებითი ბიუროკრატიული ნაწილი და მერიაში ბიუროკრატია ისედაც გაბერილია და ჩვენი აზრით, ადამიანს, რომელსაც საკუთარი ტელეფონის ნომერიც კი არ ანდო კახი კალაძემ, ჩააბარო ღამის ეკონომიკა, აბსოლუტურად თითიდან გამოწოვილი მიმართულება, რაც არის თანხების ფლანგვა, მაშინ, როდესაც გვეუბნებოდნენ, რომ ამ მიმართულებაზე თანხები არ დაიხარჯებოდა, ჩვენ ვნახეთ, რომ 4 ათას ლარზე მეტი დაუნიშნეს სერგი გვარჯალაძეს და დამატებით აპირებენ ისინი ამ გაბერილ ბიუროკრატიაზე თანხების ფლანგვას. ამიტომ, ვფიქრობთ, რომ ის დამატებითი ორგანო მერიაში, რომელიც უმოქმედო და უფუნქციოა, არ უნდა არსებობდეს და თბილისელების თანხები ამ გამოგონილ სამსახურებზე არ უნდა იფლანგებოდეს. ამიტომ, ჩვენ საკრებულოს უახლოეს სხდომაზე აუცილებლად დავაყენებთ საკითხს, რომ ეს მიმართულება თბილისის მერიაში გაუქმდეს და ეს თანხები დაიხარჯოს თბილისელების სხვა ინტერესების გათვალისწინებით და შესაბამისად“, - აღნიშნა ირაკლი ნადირაძემ.