"ძალიან დიდი იმედი მქონდა ბატონო მინისტრო, მაგრამ..."- მოკლული მოზარდის მამა გახარიას მიმართავს

სოც.მედია - 09:22, 15 May, 2018

5255

ხორავას ქუჩაზე მოკლული მოზარდის, დავით სარალიძე ფეისბუკზე შს მინისტრს მიმართავს. როგორც ზაზა სარალიძე წერს, მას დიდი იმედი ქონდა რომ მისი შვილის მკვლელობის ფაქტს სამართალდამცავები სამართლიანად გამოიზიებდნენ და მკვლელები შესაბამისად დაისჯებოდნენ, თუმცა იმედი იმედად დარჩა:

“ძალიან დიდი იმედი მქონდა ბატონო მინისტრო თქვენი კომენტარის შემდეგ ჩემი შვილის სადისტი მკვლელები და ამ მკვლელობის ორგანიზატორები და მფარველები სამაგალითოდ დაისჯებოდნენ,მაგრამ იმედი იმედად დარჩა.

ჩემ შვილს ვერდიქტი გამოუტანა მკვლელებმა, პროკურატურამ და იმ პირებმა ვინც ცდილობდა ამ მკვლელობის მიჩქმალვას და სამუდამოდ გამოკეტეს მიწის ქვეშ.

თქვენი ქაღალდის ნაგლეჯზე დაწერილი კანონი ამ სისასტიკის ჩამდენ პირებს ასამართლებს და დავა მიდის ვის რამდენი წელი მისცენ და ამავდროულად მფარველობს იმ პირებს ვინც დააორგანიზა ეს დანაშაული,მფარველობს იმ პირებს ვინც მონაწილეობა მიიღო ამ ინცინდეტში,მფარველობს ჩინოვნიკებს და მათ შვილებს.

საქართველოს კანონმდებლები დღეს იცავენ მკვლელებს და უბიძგებენ მკვლელობისკენ იქიდან გამომდინარე, რომ არ დაისჯებიან თუ მათ გავლენიანი მამიკოები,დედიკოები და ოჯახის წევრები ყავთ.

ძალიან დიდი იმედი მქონდა....”- წერს ზაზა სარალიძე.