"არ მაქვს განცდა, რომ რაიმე მნიშვნელოვან ცვლილებებზე წამოვა შსს"- სუბელიანი გახარიასთან შეხვედრის შემდეგ

პოლიტიკა - 15:45, 14 May, 2018

1286

„თეთრი ხმაურის მოძრაობის” აქტივისტის დავით სუბელიანის განცხადებით, სახელმწიფოს ამ დრომდე არ განუცხადებია, რომ ნარკოპოლიტიკის ძირეულ რეფორმას აპირებს. ამის შესახებ სუბელიანმა გიორგი გახარიასა და „თეთრი ხმაურის მოძრაობის“ წარმომადგენლების შეხვედრის შემდეგ განაცხადა. სუბელიანის თქმით, მიუხედავად მოლაპარაკებებისა, არ აქვს განცდა, რომ სამინისტრო მნიშვნელოვან ცვლილებებს განახორციელებს:

„ნარკოპოლიტიკის მიმართულებით მინისტრის აქვს ხედვა, რომ ის მოხმარებისა და ფლობის ნაწილში ცვლილებებს განახორციელებს, ამაზე ვისაუბრეთ და ვთანხმდებით, რომ რეალიზაცია ქვეყანაში იქნება დასჯადი. ეს არც არის კითხვის ნიშნის ქვეშ, ეს წარმოდგენილ კანონპროექტშიც მკაცრად ისჯება. თუმცა არანაირი განცდა არ მაქვს და არც ინფორმაცია, რომ მნიშვნელოვან ცვლილებებს მივიღებთ.

გაკვრით ვახსენეთ, რომელ კანონპროექტზე იქნებოდა საუბარი და ზუსტი პასუხი ვერ მივიღეთ რომელ კანონპროექტზე გაკეთდებოდა აქცენტი. გვითხრეს რაიმეთი დავიწყოთ საუბარი, შევხედოთ, დავილაპარაკოთ. მე არ მაქვს განცდა, რომ რაიმე მნიშვნელოვან ცვლილებებზე წამოვა შსს.“- განაცხადა სუბელიანმა.