"ჩვენ გვჭირდება ლეგიტიმაცია ჩვენივე თანამებრძოლებისგან"

"ჩვენ გვჭირდება ლეგიტიმაცია ჩვენივე თანამებრძოლებისგან" - "ბასიანის" მფლობელი

პოლიტიკა - 15:27, 14 May, 2018

1306

კლუბ „ბასიანის“ მფლობელის, ტატო გეთია თქმით, შსს-ს წარმომადგენლებთამ მომავალ შეხევდრაზე უფრო კონკრეტულად ისაუბრებენ სპეცოპერაციის შესახებ, მისი თქმით მათ თანამოაზრეებთან მოლაპარაკება სჭრიდებათ, იმისთვის, რომ მათ საზოგადოებისგა ქონდეთ ლეგიტიმაცია. გეთია პარასკევ ღამით მომხდარ ფაქტს გმობს და აცხადებს, რომ „არასწორი და მიუღებელი“ ფაქტი იყო სპეცრაზმის შესვლა „ბასიანზე“.

„ჩვენ დღეს თავი შევიკავეთ კონკრეტიკისგან და დეტალებში შესვლისგან, იმისთვის რომ ხვალ უფრო გაცნობიერებულად და გაწონასწორებულად ეს ყველაფერი გავიაროთ, ამიტომ ახალს ვერაფერს ვიტყვი გარდა იმისა, რომ ეს იყო არასწორი და მიუღებელი ფაქტი. ჩვენ ყველაფერი მოვიტოვეთ ხვალისთვის , ვინაიდან ეს არ არის ერთი-ორი და სამი კაცის აქცია და ერთი-ორი კლუბის აქცია, ეს არის ზოგადად ხალხის ხმა, შესაბამისად ჩვენ გვჭირდება ლეგიტიმაცია ჩვენივე თანამებრძოლებისგან“- განაცხადა გეთიამ.

შეგახსენებთ, 12 მაისს თბილისის რამდენიმე ღამის კლუბში ნარკორეალიზატორებთან ბრძოლის მოტივით სპეცრაზმი შევიდა. რასაც კლუბებიდან ხალხის ძალით გამოყვანა და დაკავება მოჰყვა. შსს-ს ქმედებებმა თბილისის ცენტრში მრავალრიცხოვანი პროტესტი გამოიწვია.მშვიდობიანი საპროტესტო აქციის მონაწილეების თქმით, აღნიშნული ქმედებით პოლიცია ბრძოლას უცხადებდა საკლუბო ინდუსტრიას და ცდილობდა პოლიციული რეჟიმის დამყარებას. ომბუდსმენის თქმით, კითხვის ნიშნებს აჩენს ის ფაქტი, რომ დაკავებულ ნარკორეალიზატორთა უმრავლესობა, კლუბის გარეთ რამდენიმე საათით ადრე დააკავეს და გაურკვევეული იყო კლუბში სპეცრაზმის შესვლის რეალური მოტივი. აქცია, რომელიც ორი დღის განმავლობაში მიმდინარეობდა, ბოლოს აქციაზე შს მინისტრის მისვლით დასრულდა, გიორგი გახარიამ შეკრებილ საზოგადოებას თავისი და პოლიციის სახელით ბოდიში მოუხადა და პირობა დადო, რომ ყველაფერს გააკეთებდა იმის დასადგენად, რამდენად მართლზომიერი იყო 12 მაისს ჩატარებული სპეცოპერაცია.