"დავინახეთ ვინ რა პოზიციაზე დგას და რისი გამკეთებელია...ორკების გაჩენის საუკეთესო პირობებია შექმნილი"- სერგი გვარჯალაძე

სოც.მედია - 14:40, 14 May, 2018

1760

თბილისის ღამის ეკონომიკის განვითარების პროექტის ხელმძღვენელი სერგი გვარჯალაძე, ბოლო დღეებში განვითარებულ მოვლენებს სოციალურ ქსელში ეხმაურება:

„ვფიქრობ მნიშნელოვანი ამბავი მოხდა, ამ ბოლო დღეების მანძილზე. დავინახეთ ვინ რა პოზიციაზე დგას და რისი გამკეთებელია. დავინახეთ, რა პრობლემები გვაქვს და გვექნება კიდევ უახლოეს პერიოდში. მომწონს რომ სკეპტიკურები ვართ, კითხვის ნიშნები გვიჩნდება და ნაკლებად ვაღმერთებთ და ბრმად არ მივყვებით. რასაკვირველია ვემხრობი ჰუმანურ ნარკოპოლიტიკას, მაგრამ ამ ქვეყნის მთავარი პრობლემა მაინც განათლება და ეკონომიკაა (ორკების გაჩენის საუკეთესო პირობებია შექმნილი) ძალიან არაჯანმრთელი ცხოვრების სტილი გვაქვს. სპორტი უნდა გავხადოთ ყველასათვის ხელმისაწვდომი. ძალიან მინდა, რომ ჩვენ ერთმანეთის მოსმენა ვისწავლოთ და გვეყოს ძალა და გონება ამ პრობელმების მოგვარებაში. ახლა კი საქმეს დავუბრუნდეთ დასრულდა შესვენება“- წერს სერგი გვარჯალაძე.

შეგახსენებთ, 12 მაისს თბილისის რამდენიმე ღამის კლუბში ნარკორეალიზატორებთან ბრძოლის მოტივით სპეცრაზმი შევიდა. რასაც კლუბებიდან ხალხის ძალით გამოყვანა და დაკავება მოჰყვა. შსს-ს ქმედებებმა თბილისის ცენტრში მრავალრიცხოვანი პროტესტი გამოიწვია.მშვიდობიანი საპროტესტო აქციის მონაწილეების თქმით, აღნიშნული ქმედებით პოლიცია ბრძოლას უცხადებდა საკლუბო ინდუსტრიას და ცდილობდა პოლიციული რეჟიმის დამყარებას. ომბუდსმენის თქმით, კითხვის ნიშნებს აჩენს ის ფაქტი, რომ დაკავებულ ნარკორეალიზატორთა უმრავლესობა, კლუბის გარეთ რამდენიმე საათით ადრე დააკავეს და გაურკვევეული იყო კლუბში სპეცრაზმის შესვლის რეალური მოტივი. აქცია, რომელიც ორი დღის განმავლობაში მიმდინარეობდა, ბოლოს აქციაზე შს მინისტრის მისვლით დასრულდა, გიორგი გახარიამ შეკრებილ საზოგადოებას თავისი და პოლიციის სახელით ბოდიში მოუხადა და პირობა დადო, რომ ყველაფერს გააკეთებდა იმის დასადგენად, რამდენად მართლზომიერი იყო 12 მაისს ჩატარებული სპეცოპრეაცია