„ერთ დღეს უშვებენ ნარკოტიკების გაყიდვას, მეორე დღეს კლუბების დარბევას და მესამე დღეს ლეგალიზაციის დაპირებას...“

„ერთ დღეს უშვებენ ნარკოტიკების გაყიდვას, მეორე დღეს კლუბების დარბევას და მესამე დღეს ლეგალიზაციის დაპირებას...“ - მიხეილ სააკაშვილი

პოლიტიკა - 02:19, 14 May, 2018

2825

ღამის კლუბებში ჩატარებული სპეცოპერაციების შემდეგ, შინაგან საქმეთა მინისტრის მიერ ახალგაზრდების აქციაზე გაკეთებულ განცხადებას ეხმაურება საქართველოს მესამე პრეზიდენტი მიხეილ სააკაშვილი.

„ქვეყანა არ შეიძლება იმართებოდეს ერთი ოჯახის კაპრიზებით. ერთ დღეს ისინი უშვებენ მომაკვდინებელი ნარკოტიკების მასიურ გაყიდვას, რასაც ახალგაზრდობა ეწირება, მეორე დღეს, ხალხმრავალი კლუბების დარბევის სრულიად უგუნურ ბრძანებას იძლევიან და მესამე დღეს კი, იძლევიან ნარკოტიკების ლეგალიზაციის დაპირებას. ამასობაში, ახალგაზრდებს უკლავენ ყველანაირ პერსპექტივას, უსპობენ სამუშაო ადგილებს, ქვეყანაში მრავალი ათასი სტატუს შეჩერებული სტუდენტია სწავლის საფასურის გადაუხდელობის გამო, უამრავი ახალგაზრდა ლომბარდში აბარებს ყველაფერს და სათამაშო ბიზნესის მსხვერპლი ხდება, ამ უპერსპექტივობის და გამოუვალი სიტუაციის შედეგად, ასობით ათასი ახალგაზრდა ტოვებს ქვეყანას, ან ვინც რჩება, მათი ნაწილი, ნარკოდამოკიდებული ხდება. ქვეყანას ჭირდება დასაქმების, ახალგაზრდობისთვის მომავლის შექმნის პოლიტიკა და მთავრობა, რომელიც ამ პოლიტიკას გაატარებს, იხელმძღვანელებს საქართველოს და მისი საზოგადოების გამარჯვების ინტერესებით და არა ივანიშვილის ოჯახიდან წამოსული მორიგი ავადმყოფური "კლიპით" - აცხადებს სააკაშვილი.