ბიძინა ივანიშვილი „ქართული ოცნების“ პოლიტიკური საბჭოს თავმჯდომარედ აირჩიეს. ყრილობის აღნიშნული ნაწილის შემდგომ, ივანიშვილი სიტყვით გამოვიდა და პოლიტიკაში დაბრუნების სამ მიზეზზე ისაუბრა, ერთ-ერთი მათგანი კი ოპოზიცია გახლავთ.

პოლიტიკური გაერთიანება სამოქალაქო ალიანსი თავისუფლებისთვის თავმჯდომარე, ზურაბ ხარატიშვილი „ნიუპოსტთან“ საუბრისას ბიძინა ივანიშვილის გამოსვლას აფასებს:

„ივანიშვილმა გულახდილად აღიარა, რომ ოცნების ხელისუფლება ვერ უმკლავდება გამოწვევებს ვერცერთი მიმართულებით, ხოლო ოპოზიციას ბევრად უკეთესად ახერხებს ხელისუფლების ოპონირებას.

რაც ნიშნავს იმას, რომ მან იგრძნო ხელისუფლების დაკარგვის რეალური საშიშროება. მას აშკარად აკლდა თვითრწმენა და ჩვეულებრივზე უფრო დაძაბული გამოიყურებოდა“, - აღნიშნავს ზურაბ ხარატიშვილი.