ბიძინა ივანიშვილი „ქართული ოცნების“ პოლიტიკური საბჭოს თავმჯდომარედ აირჩიეს. ყრილობის აღნიშნული ნაწილის შემდგომ, ივანიშვილი სიტყვით გამოვიდა და პოლიტიკაში დაბრუნების სამ მიზეზზე ისაუბრა, ერთ-ერთი მათგანი კი ოპოზიცია გახლავთ.

ივანიშვილის გამოსვლას „ნიუპოსტთან“ საუბრისას პარტია „სახელმწიფო ხალხისთვის“ თავმჯდომარე ნიკა მაჭუტაძე აფასებს:

„ეს არის აღიარება იმ უმწეობისა, თან ამასთანავე აბსოლუტურად აგდებული დამოკიდებულებისა, ქართული სახელმწიფოს, მისი დემოკრატიის, მისი ხალხის მიმართ, რომელიც გამოამჟღავნა დღეს ივანიშვილმა. აშკარაა ის პროცესი, რომელიც გულისხმობს, რომ „ქართული ოცნება“ თავისი ივანიშვილით დღითიდღე კოტრდება პოლიტიკურა, ჩვენ დარწმუნებული ვარ, რომ ძალიან მალე დავამარცხებთ ამ ხელისუფლებას. დავამარცხებთ არა იმისათვის, რომ მივიღოთ სხვა ხელისუფლება, არა მხოლდო ამსითვის, არამედ მივიღოთ სხვა სახელმწიფო, სახელმწიფო, რომელიც ვეღარ აიტანს არაფორმალურ მმართველებს და ცეკას მდივნებს თავის მმართველობაში.

დესტრუქციული არის თვითონ ივანიშვილი, მის მორჩილებაში მყოფი ხელისუფლება. ოპოზიოცია გამოხატავს ხალხის ნებას. ძალიან მნიშვნელოვანია ისიც, რომ თვით ივანიშვილმაც კი ტავის საპროგრამო სიტყვაში ვერ დაფარა ის საფრთხე, რომელიც მის არაფორმალურ მმართველობას, ახლა უკვე ბოლშევიკურ მმართველობას წარმოექმნა გაერთიანებული ოპოზიციის სახით, მას ეშინია ჩვენი ერთობის, მას ეშინია სამოქალაქო შეთანხმების, მას ეშინია პოლიტიკური შეთანხმების და საერთოდ ყველა ანტიდემოკრატიული ტიპი მაერთველისა დამარცცხდა ზუსტად ისეთი პროცესით, რომელიც დაიწყო საქართველოში ბოლო ხანებში, მათ შორის ჩვენი მონაწილეობით“, - განაცხადა ნიკა მაჭუტაძემ.