ივანიშვილი დაბრუნების მიზეზებზე - ოპონენტების დესტრუქციული მუხტი და ხელისუფლების შიგნით გაუგებრობები

პოლიტიკა - 17:34, 11 May, 2018

1233

ივანიშვილი „ქართული ოცნების“ თავმჯდომარედ აირჩიეს. ივანიშვილი ამჟამად "ქართული ოცნების" წევრებს სიტყვით მიმართავს.
„რატომ ვბრუნდები პოლიტიკაში? რატომ გადავწყვიტე ახლა თავში ჩავუდგე იმ პარტიას, რომელიც 2012 წელს ჩამოვაყალიბე? დარწმუნებული ვარ, ქვეყნის მართვას საბოლოოდ ჩამოვაშორეთ მოძალადე და ხალხის მჩაგვრელი ხელისუფლება. მის შემდეგ საკუთარი ინიციატივით გავედი აქტიური პოლიტიკიდან და ჩავთავე, რომ ჩემი როლო საზოგადოების განვითარებაში უფრო მნიშვნელოვანი იქნებოდა, ხალხის ნდობა ხელისუფლებაზე მეტად საზოაგდოებას უფრო სჭირდებოდა. პოლიტიკაში ჩემი დაბრუნება რატომ გახდა საჭირო? ვინც ახლოს მიცნობს, კარგად იცის, რომ ეს ჩემთვის საკმაოდ რთული გადაწყვეტიელბა პირადი ინტერესებიდან გამომდინარე და ხელისუფლებიდან გამომდინარე არ მიმიღია. მიზანი უცვლელია - საქართველო და თითოეული ადამიანის კეთილდღეობა და ღირსეული მომავალი. ამიტომ, ახლა, სწორედ ჩემს ხალხს მინდა მივმართო, ჩვენ ვდგავართ გამოწვევების წინაშე. რასაც სამი მიზეზი განსაზღვრავს. პირველი , ობიექტურად არსებული არასახარბიელო სოციალურ-ეკონომიკური ვითარება და ხელოვნურად დამძიმების წარმოჩენის მცდელობები. მეორე, ოპონენტებისგან დესტრუქციული მუხტი, მესამე ხელისუფლების შეიგნით არსებული გაუგებრობები, რომელიც ქვეყნის ინტერესებს აზიანებს და უსაფუძვლოა.
„ზედმიწევნით კარგად ვიცი, რა სირთულეების წინაშეა საქართველოს რიგითი მოქალაქე, ჯერ კიდევ არ გვქონდა მოშუშებული სამოქალაქო ომის იარები, როდესაც ტერიტორიული მთლიანობსითვის ომში ჩავებით და მასობრივი დევნილების ორი ტალღა მოჰყვა, თანამედროვე სახელმწიფოს მართვის ტრადიციის არქონის კვალდაკვალ დაწყებულმა ქაოსმა სიღარიბე მასობრივ მოვლენად აქცია. სამწუხაროდ ძვირდება ცხოვრება, დღევანდელი საქართველოს პოლიტიკურ პრობლემებს ქმნის ის, რომ ერთის მხრივ გავქვს ევროპული ხარისხის განვითარების დემოკრატია, რასაც მნიშვნელოვანდა ჩამორჩება ეკონომიკური განვითარების დონე. ტრადიციულ დემოკრატიებში ეკონომიკა და თავისუფლებები ერთმანეთს ზრდიდნენ ამ დისჰარმონიის აღმოფხვრა თანამედროვე საქართველოს უმაღლესი გამოწვევაა და ჩვენ არჩევანი დემოკრატიის სასრგებლოდ მივიღეთ და ვთქვით, უნდა შევინარჩუნოთ დემოკრატიის მაღალი დონე და მუდმივად ვიზრუნოთ მის განვითარებაზე, დემოკრატია არის ჩვენი უპირობო არჩევა, მაგრამ ეს ზრდის რისკებს, რადგან ავანტურისტული ჯგუფები დესტრუქციისთვის იბრძვიან ქვეყანაში" - განაცხადა ივანიშვილმა.