"ადამიანს, რომელსაც აქვს პოლიტიკური წონა, ნდობის ფაქტორი, ბევრი რამის შეცვალა შეუძლია"

"ადამიანს, რომელსაც აქვს პოლიტიკური წონა, ნდობის ფაქტორი, ბევრი რამის შეცვალა შეუძლია" - ეკა ბესელია ივანიშვილზე

პოლიტიკა - 15:10, 11 May, 2018

1407

"ქართული ოცნების" მეხუთე ყრილობისთვის მთაწმინდის პარკში უკვე ემზადებიან. ყრილობის დაწყებამდე იურიდიული კომიტეტის თავმჯდომარე ეკა ბესელია აცხადებს, რომ ბიძინა ივანიშვილის მმართველობით პარტია უფრო მეტად გაძლიერდება მოხდება, რადგან ივანიშვილს აქვს განსაკუთრებული რესურსი და პოლიტიკური წონა.

"ეს არის მეხუთე ყრილობა, პარტიას 6 წელი შეუსრულდა და ახალი ეტაპი დაუდგა. დღეს პარტიის დამფუძნებელი ბიძინა ივანიშვილი გახდება მმართველი, ამ პოლიტიკური გუნდის. მთავარი გზავნილები იქნება მის გამოსვლაში და ის ახალი ხედვა და ენეგია, რომელიც სჭირდება მმართველ პოლიტიკურ პარტიას. იმისთვის, რომ კონსოლიდირება, გაერთიანება მოახდინოს საზოგადოებრივი ჯგუფების, პოლიტიკური პარტიების ირგვლივ და ეს გადაწყვეტილება იქონიებს ძალიან დიდ როლს. ბიძინა ივანიშვილის ფაქტორი, რომელიც მთავარი დამფუძვნებელია მუდმივად ახლავს ამ პარტიის ისტორიას, მაგრამ თავმჯდომარედ მისი მოსვლა პარტიაში პირველად ხდება და ეს არის განსაკუთრებული შემთხვევა. მე ამ ყველაფერს ვუყურებ დადებითად, შეიძლება ადამიანმა ბევრი მიზეზის ძებნა დაიწყოს ამაში მაგრამ, მე მაინც მგონია, რომ ამას ფართო პოლიტიკურ ჭრილში უნდა ვუყურით. მმართველ პარტიას ძალიან დიდი პასუხისმგებლობა აქვს და ადამიანს, რომელსაც აქვს განსაკუთრებული რესურსი, პოლიტიკური წონა და ნდობის ფაქტორი მას უთუოდ შეუძლია შეცვალოს ძალიან ბევრი რამ" - განაცხადა ეკა ბესელიამ.