"რუსეთში სიმსუქნე გავრცელდა!" - გუგული მაღრაძის მსგავსად სიმსუქნეს ბრძოლა ჟირინოვსკიმაც გამოუცხადა

პოლიტიკა - 15:13, 09 May, 2018

2282

გუშინ რუსეთის სახელმწიფო დუმამ პრემიერ-მინისტრის პოსტზე დმიტრი მედვედევი დაამტკიცა. მედვედევის ამ პოსტზე არჩევამდე, სათათბიროში დეპუტატები გამოვიდნენ სიტყვით და იმ პრობლემებზე ისაუბრეს, რომელიც ქვეყნის წინაშე დგას. მათ შორის იყო ლიბერალ-დემოკრატიული პარტიის ლიდერი ვლადიმირ ჟირინოვსკიც. ჟირინოვსკის გამოსვლის ერთ-ერთი თემა ქართული საზოგადოებისთვის საკმაოდ ნაცნობია, როგორც აღმოჩნდა, რუსი დეპუტატს ქართველი დეპუტატის მსგავსი სადარდებელი აქვს და ქვეყნის ერთ-ერთ მნიშვნელოვან პრობლემად ჟირინოვსკი გუგული მაღრაძის მსგავსად სიმსუქნეს თვლის. ჟირინოვსკის თქმით, ამაში დამანაშავე ტელევიზიები არიან, რადგან ისინი რეკლამებით ახდენენ ხალხის ცდუნებას:

“5 მაისს შევხვდი ახალგაზრდებს, ერთმა ახალგაზრდამ მკითხა, რატომ ვცხოვრობთ სხვა ქვეყნებზე უფრო ღარიბად. მე ვუთხარი, რომ დასავლეთის ქვეყნებს კოლონიები ჰქონდათ, ჩვენ კი პირიქით სხვებს გადავეცით. არავის არაფერი არ უნდა მიცე!

რუსეთში სიმსუქნე გავრცელდა! ვინ არის დამნაშავე? ტელევიზია! აჩვენებენ რეკლამებს. ამერიკაში სიმსუქნე გასაგებია, იქ ჰამბურგერებია, „მაკდონალდსი“. საშინელი პრობლემაა სიმსუქნე, მისგან მოდის ყველა დაავადება.“- განაცხადა ჟირინოვსკიმ.