შალვა ნათელაშვილი ღამის კლუბ „ბასიანის“ დახურვას და მისი ხელმძღვანელობის დაკავებას ითხოვს. „ლეიბორისტული პარტიის“ ლიდერი პროკურატურას 24 საათიან ვადას აძლევს, რათა გამოძიებამ დაადგინოს, მოხდა თუ არა გარდაცვლილი ახალგაზრდების ინტოქსიკაცია აღნიშნულ კლუბში.

შალვა ნათელაშვილი ასევე აცხადებს, რომ აღნიშნული ღამის კლუბი ბერა ივანიშვილს ეკუთვნის და მას სწორედ ის მფარველობს:

„დაილუქოს აი ეს ახალგაზრდების სახოცი დაწესებულება. მართალია განაცხადა ივანიშვილის ოჯახმა, რომ ტყუილია, ჩვენი არ არის გვაბრალებენო, მაგრამ ასეთივე ტყუილია, როგორც ოქროს საბადო რომ არ არის მათი ბოლნისში. და როგორც ნარკომანი დიჯეები ბერას „ფეისბუქ“ მიმართვით არ გაათავისუფლეს ციხიდან რამდენიმე თვის წინ. აი ეს ისეთივე ტყუილია. მე კატეგორიულად ვაცხადებ მიწა დაიწვება თქვენს ფეხ ქვეშ,“-განაცხადა შალვა ნათელაშვილმა.