„ერთიანი ნაციონალური მოძრაობის“ წევრი რომან გოცირიძე პარლამენტს ინიციტივით მიმართავს, სადაც საუბარია სახელფასო ზედა ზღვარზე მარეგულირებელი კომისიის ხელმძღვანელობისთვის. ინიციატივას დეპუტატები დღეს დარგობრივი ეკონომიკის კომიტეტის სხდომაზე განიხილავენ. გოცირიძის განცხადებით ეროვნული მარეგულირებელი კომისიის თავმჯდომარეს პრეზიდენტზე მაღალი ხელფასი არ უნდა ჰქონდეს:

„არის გამოსული კონტროლის არეალიდან უამრავი სხვადასხვა უწყება და ერთ-ერთი ასეთი არის მარეგულირებელი ორგანოები, რომელთა წევრები და თავმჯდომარეები იღებენ ხელფასს სამჯერ მეტს, ვიდრე საქართველოს პრეზიდენტი. 20 ათასი ლარი აქვთ ხელფასი თვეში და წელიწადში 245 ათასი ლარი მიიღო ერთ-ერთმა ხელმძღვანელმა პირმა. ეს არ არის ადეკვატური და ჩვენი წინადადება კანონპროექტის სახით არის ის, რომ ასეთი ორგანოების ხელმძღვანელ პირს არ უნდა ჰქონდეთ პრეზიდენტის ხელფასზე მეტი,“-განაცხადა რომან გოცირიძემ.