ბიზნესმენ ბესიკ ხარძიანის მკვლელობა - სკანდალურ დეტალებზე „შაბათის კუიერთან“ მოკლულის შვილმამიხეილ ხარძიანმა ისაუბრა. მისი თქმით, მამის მკვლელობის შემდეგ მოხდა მისი ქონების საეჭვო გადაფორმება დედინაცვლის ახლობლებზე, ოჯახის წევრებსა და მეგობრებზე.

მაგალითად მოჰყავს აგარაკი წავკისში, რომელიც აუდიტის სამსახურმა მილიონად შეაფასა, მოკლული ბიზნესმენის მეუღლემ კი იგი საკუთარ მეგობარს მიჰყიდა მხოლოდ 5 ათას ამერიკულ დოლარად. ასევე საუბარია სხვადასხვა კომერციულ თუ არაკომერციულ ფართებზე.

ამ ჩამონათვალშია 1300 კვადრატული მეტრი მიწა წავკისში. დოკუმენტების მიხედვით, ქეთევან ხარძიანმა ნაირა ნებიერიძეს ის 5000 ლარად მიჰყიდა.

ხარძიანის ინფორმაციით, მოკლული მეუღლემ ვაკეში, აბაშიძის ქუჩაზე, 160 კვადრატული მეტრი საოფისე ფართი 60 ათას დოლარად, ანუ ერთი კვადრატული 375 დოლარად გაყიდა. საბაზროზე ბევრად იაფად არის გასხვისებული ბინები ახლადაშენებულ კორპუსში საბურთალოზე.

საბაზროზე დაბალ ფასად გასხვისება ერთ-ერთი მიზეზია, რის გამოც მიხეილ ხარძიანი ხელშეკრულებების ბათილად ცნობას ითხოვს. მას მიაჩნია, რომ ეკა ნონიკაშვილს ქონების გასხვისების უფლება არ ჰქონდა.

მიხეილ ხარძიანის პოზიცია სასამართლომაც გაიზიარა, თუმცა, დავა სააპელაციო ინსტანციაში გრძელდება.

მიხეილ ხარძიანის თქმით, ბესიკ ხარძიანის პატიმრობაში ყოფნის დროს ნონიკაშვილი კუს ტბის წილს ითხოვდა.

მიხეილ ხარძიანი ვარაუდობს, რომ პროკურატურა ეკა ნონიკაშვილთან გარიგებულია. მაღალჩინოსნები კი მკვლელობის საქმეში არიან გარეულნი.

მიხეილ ხარძიანის ბრალდებებს მამამისის მეორე ოჯახი არ პასუხობს.

მიხეილ ხარძიანი ვარაუდობს, რომ ბესიკ ხარძიანი სწორედ მისი დედინაცვლის მიერ შეკვეთილ მკვლელობას ემსხვერპლა. მიხეილ ხარძიანის ინფორმაციით, სამართალდამცველების მხრიდან ფაქტს რეაგირება ამ დრომდე არ მოჰყოლია.