პატიმართა შეწყალების საკითხზე პრეზიდენტის ადმინისტრაციას წერილით ყველაზე მეტჯერ ეკა ბესელიამ მიმართა

პოლიტიკა - 15:44, 04 May, 2018

1548

პარლამენტის იურიდიულ საკითხთა კომიტეტის თავმჯდომარე, ეკა ბესელია აცხადებს, რომ პრეზიდენტის ადმინისტრაციას პატიმართა შეწყალების საკითხზე მისი მხრიდან გადაგზავნილია არა 600, არამედ 900 წერილი.

დეპუტატი განმარტავს, რომ უკლებლივ ყველა წერილი, რომელიც კომიტეტში შედის, შეწყალების კომისიაში იგზავნება.

„რამდენი წერილიც არის შემოსული ადამიანის უფლებათა დაცვის კომიტეტში წინა პარლამენტში, ახლა იურიდიულ კომიტეტში, ზუსტად იმდენივე გადაგზავნილია პრეზიდენტის ადმინისტრაციაში. ჩემი ინფორმაციით, ეს 900-ზე მეტია, რაც კომიტეტის სახელზე გაიგზავნა,“- აღნიშნა ეკა ბესელიამ.

ფრაქცია ”ქართული ოცნების” წევრის, გედევან ფოფხაძის განცხადებით, მომავალშიც თუ ვინმე მიმართავს და მისი ინტერესი იქნება, რომ ის იყოს შეწყალებული, გადაგზავნის წერილს შეწყალების კომისიაში.

On.ge-ის მიერ განოთხოვილი ოფიციალური დოკუმენტაციიდან ირკვევა, რომ შეწყალების წერილით ყველაზე მეტჯერ ეკა ბესელიამ მიმართა პრეზიდენტის ადმინისტრაციას.

გამოცემის ცნობით, საპარლამენტო უმრავლესობის დეპუტატის მიერ მიწერილი 608 წერილი ინდივიდუალური იყო, ერთი კი - ზაზა პაპუაშვილთან და გედევან ფოფხაძესთან ერთად. წერილები 2012-2016 წლებშია გაგზავნილი.