განცხადებით, აჭარაში კრიმინოგენური მგომარეობა გაუარესებულია და ხელისუფლება უმოქმედოა.

„რამდენიმე დღის წინ ბონდო თედორაძეს და ნოდარ დუმბაძეს ტელევიზიებისა და სამართალდამცავების თანდასწრებით თავს დაესხნენ და გაუსწორდნენ. სად არის დღეს პოლიცია?! პოლიცია მხოლოდ იმ საქმითაა დაკავებული, თუ როგორ გადაადგილდება ბიძინა ივანიშვილის ხე. ეს არის გამფრთხილებელი აქცია. გონს მოეგოს შინაგან საქმეთა მინისტრი, გენერალური პროკურორი და პრემიერ-მინისტრი. ჩვენ ყოველთვის მოსახლეობის გვერდით დავდგებით და კრიმინალს გავაპროტესტებთ“,- აცხადებს ლევან ვარშალომიძე.

აქციაზე იმყოფებოდა მურმან დუმბაძეც, რომელმაც განაცხადა, რომ ყველა ხელისუფლება საკუთარი უპასუხისმგებლობის გამო დამარცხდა:

„ყველა ხელისუფლება საკუთარი უპასუხისმგებლობით დამარცხდა. მე მინდა, რომ დღევანდელმა ხელისუფლებამ, განსაკუთრებით შინაგან საქმე სამინისტრომ ინიციატივა გამოიჩინოს და ფაქტების გამოძიება მოახდინოს. პოლიტიკოს ჯელალ ქიქავაზე პარლამენტის დეპუტატის „ქართული ოცნებიდან“ მუხრან ვახტანგაძის დაკვეთით თავდასხმა მოხდა. მივმართავ შესაბამის ორგანოებს, აღნიშნული ფაქტი გამოიძიონ“,- აცხადებს მურმან დუმბაძე.