„ქართული ოცნება“ მაკრიტიკებს გრიფს რატომ არ ხსნიდაო, გრიფის მოხსნის მერე ყველა მათი ძებნილი ადამიანი წითელი ცირკულარიდან მოხსნეს

„ქართული ოცნება“ მაკრიტიკებს გრიფს რატომ არ ხსნიდაო, გრიფის მოხსნის მერე ყველა მათი ძებნილი ადამიანი წითელი ცირკულარიდან მოხსნეს - მარგველაშვილი

პოლიტიკა - 21:08, 03 May, 2018

2722

გიორგი მარგველაშვილი გადაცემა „რეაქციაში“ გამოეხმაურა „ერთიანი ნაციონალური მოძრაობის“ მხრიდან წამოსულ კრიტიკას, იმასთან დაკავშირებით, რომ პრეზიდენტმა გრიფი მოხსნა მხოლოდ თემურ ჯანაშიას მუშაობის პერიოდის სახელმწიფო დაცვის სამსახურის მასალებს და იგივე არ გაუკეთებია შემდეგ პერიოდზე, რის გამოც ამ მასალების გამოყენება სასამართლოში ვერ ხდება. საქართველოს პრეზიდენტის განცხადებით, თემურ ჯანაშიას ხელმძღვანელობსი პერიოდის სახელმწიფო დაცვის სამსახურის მასალებზე გრიფის მოხსნა, სამართლებრივ პროცედურებს არ უკავშირდებოდა და შემდგომი პერიოდის მასალების გამოყენება სასამართლოში ისედაც შესაძლებელია:

„რაზეც იყო საუბარი რომ სასამართლოში ვერ იდავებს, ტყუილია, სასამართლოში გრიფიანადაც მიდის საქმე. მთავარი პრობლემა არის ეს მეორეხარისხოვანი თემები, რომ თურმე იმას გრიფის მოხსნა ჭირდება პიარისთვის და მე რატომ არ ვხსნი. იმიტომ რომ არასწორი ტენდენციაა, მაშინაც ვცდილობდი რომ გრიფი არ მომეხსნა, ვამბობდი, რომ არასწორია ავიღოთ ეს საბუთები და ერთმანეთს ვუფრიალოთ, ამაზე მაკრიტიკებს „ქართული ოცნება“ ახლა გრიფს რატომ არ ხსნიდაო. იმ გრიფის მოხსნის მერე და იმ პროცესების მერე ყველა მათთვის პატივცემული ძებნილი ადამიანი წითელი ცირკულარიდან მოხსნეს.“- განაცხადა გიორგი მარგველაშვილმა.