რუსმა ოკუპანტებმა 22 წლის საქართველოს მოქალაქე დააკავეს. საოკუპაციო რეჟიმის ინფორმაციით, საქართველოს მოქალაქე ცხინვალის რაიონის სოფელ სათიხარში, ღამით დააკავეს.

დე ფაქტო შინაგან საქმეთა სამინისტროს ინფორმაციით, დაკავებული ე.წ. სახელმწიფო უშიშროების კომიტეტის სასაზღვრო სამსახურს გადაეცა.

22 წლის საქართველოს მოქალაქის დაკავების შესახებ ინფორმაციას ფლობს სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი. მისი თქმით, ყველაფერი კეთდება იმისთვის, რათა დაკავებული დაუყოვნებლივ გათავისუფლდეს.

„ეს ადამიანი , რომელიც გახლავთ დევნილი ცხინვალის რეგიონიდან თბილისში მცხოვრები 22 წლის პირი გახლავთ უკანონოდ დაკავებული.

უკვე გააქტიურებულია ცხელი ხაზი, ჩართულია ჩვენი შესაბამისი სტრუქტურები და ევროკავშირის სადამკვირვებლო მისია, იმისთვის, რომ მოხდეს დაუყოვნებლივ გათავისუფლება.

ასეთი აქტები უკანონო დაკავებები ადამიანის უფლებების ფუნდამენტური დარღვევა და ყველაზე უარესი რაც საუბედუროდ 22 თებერვალს მოხდა ეს ყველაფერი თავისი ხასიათით არის არამხოლოდ უკანონო, არამედ პროვოკაციული“- განაცხადა ქეთევან ციხელაშვილმა.