დაიწყება თუ არა პრეზიდენტის წინააღმდეგ გამოძიება - აბაშიშვილი კობახიძის ბრალდებებს არასერიოზულს უწოდებს

პოლიტიკა - 13:17, 03 May, 2018

1055

საქართველოს პრეზიდენტის ადმინისტრაციის უფროსი პარლამენტის თავმჯდომარის განცხადებას გამოეხმაურა იმასთან დაკავშირებით, რომ პრეზიდენტის მიერ უპრეცენდენტო რაოდენობით პატიმრების შეწყალებას შეიძლება, ჰქონდეს რამდენიმე საფუძველი: უპასუხისმგებლო დამოკიდებულება, კორუფცია ან სამართალდამცავი სისტემის მიზანმიმართული ნგრევა. როგორც გიორგი აბაშიშვილმა კურიერთან საუბარში გაანცხადა მისთვის უკვე წარმოუდგენელია ირაკლი კობახიძის განცხადებაზე სერიოზული პასუხის გაცემა:

„რამდენად სერიოზულად უნდა ვუპასუხო ბატონი კობახიძის კომენტარებს ვერც კი წარმომიდგენია, მაგრამ მე მეგონა იმდენად „კარგად“ მუშაობდნენ „შავ პიარზე“ რომ მეთოდებს დახვეწავდნენ, მაგრამ ერთი და იგივე ტენდენცია გრძელდება, შეწყალება არის „შავი პიარის“ ერთ-ერთი მთავარი ხაზი, პრობლემებს გაურბიან,“ - განაცხადა აბაშიშვილმა.

კითხვაზე, რამდენად სერიოზული გაგრძელება შეიძლება მოჰყვეს პარლამენტის თავმჯდომარის მხრიდან პრეზიდენტის კორუფციაში დადანაშაულებას და შესაძლოა თუ არა ამით საგამოძიებო უწყებები დაინტერესდნენ , გიორგი აბაშიშვილმა განაცხადა, რომ არასერიოზულ განცხადებას შეუძლებელია ვინმე სერიოოზულად მიუდგეს:

"აბსოლუტურად გამოვრიცხვ, რომ ამ არასერიოზულ განცხადებას ვინმე სერიოზულად მიუდგეს. ასე რომ ამაზე მეტს უბრალოდ ვერ ვისაუბრებ. ეს არის აბსოლუტურად „შავი პიარის“ ნაწილი.“- განაცხადა აბაშიშვილმა.