პრეზიდენტის საპარლამენტო გამოსვლას პატრიოტთა ალიანსის წევრი ადა მარშანია გამოეხმაურა. მისი თქმით, მისი პოლიტიკური ძალა ეთანხმება პრეზიდენტის მხრიდან გაკეთებულ შეფასებებს ეკონომიკურ მდგომარეობასთან დაკავშირებით.

„მიუხედავად იმისა, რომ ბევრ თქვენს პოზიციას, თვალსაზრის აბსოლუტურად ვეთანხმებით, ამავდროულად თქვენგან უფრო საფუძვლიან გამოსვლას ველოდით განსაკუთრებულად ორ საკითხში, პირველი ეს არის ქვეყნის გამთლიანების საკითხი, მეორე ეს არის კატასტროფული არნახული უმუშევრობა, რომელზეც სამართლიანად შეჩერდით და გამოყავით ეს პრობლემა. აბსოლუტურად სწორი შეფასება მიეცით, მაგრამ ველოდით უფრო საგნობრივ საუბარ იმისა, თუ როგორ ხედავთ თქვენ გამოსავალს ამ უმძიმებესი პრობლემიდან, დავძრათ მაინც, კონცეფცია მაინც მივიღოთ.“- განაცხადა ადა მარშანიამ. მისი თქმით საქართველოს მთავრობა გაუგებარ ეკონომიკურ პოლიტიკას ატარებს:

„მთავრობა გაუგებარ ეკონომიკურ პოლიტიკას ატარებს , აგერ ბატონი, თქვენ ფორმალურად მოგისმინათ და აიკრიბა და წავიდნენ, ეტყობა საქართველოს პრობლემების მოსაგვარებლად გაეშურნენ თბილისში, არაა ეს ნორმალური, როდესაც პარლამენტში პრეზიდენტი მობრძანდება, უნდა გაიმართოს ჩვენ შორის საგნობრივი, სერიოზული საუბარი. მთავრობა გაქცეულია დარბაზიდან, ნამდვილად არაა ეს მოსაწონი.“- განაცხადა მარშანიამ.