საქართველოს პრეზიდენტის საპარლამენტო გამოსვლას საქართველოს მთავრობის მხოლოდ ნახევარი ესწრებოდა. გიორგი მარგველაშვილის გამოსვლას უსმენდნენ სოზარ სუბარი, მაია ცქიტიშვილი, თეა წულუკიანი, დავით სერგეენკო, გიორგი გახარია, მიხეილ ჯანელიძე, დიმიტრი ქუმსიშვილი და საქართველოს პრემიერი გიორგი კვირიკაშვილი.

პარლამენტში არ იმყოფებოდნენ ფინანსთა მინისტრი მამუკა ბახტაძე, თავდაცვის მინისტრი ლევან იზორია, განათლებისა და მეცნიერების მინისტრი მიხეილ ჩხენკელი, გარემოსა დაცვისა და სოფლის მეურნეობის მინისტრი ლევან დავითაშვილი, კულტურისა და სპორტის მინისტრი მიხეილ გიორგაძე, საქართველოს სასჯელაღსრულებისა და პრობაციის მინისტრი კახა კახიშვილი და შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი.

რამდენიმე მინისტრი ოფიციალური ვიზიტით საზღვარგარეთ იმყოფება.