საქართველოს პრეზიდენტი გიორგი მარგველაშივილი პარლამენტის წინაშე სიტყვით წარსდგა. მისი გამოსვლა შეაფასეს საპარლამენტო უმრავლესობისა და უმცირესობის რიგებში. „ევროპული საქართველოს“ ერთ-ერთი ლიდერის დავით ბაქრაძის განცხადებით, პრეზიდენტმა არ ისაუბრა ბევრ პრობლემაზე, რომელიც დღეს საქართველოში არსებობს:

„პრობლემების იმ ნაწილს, რომელიც პრეზიდენტმა ჩამოთვალა თავის გამოსვლაში, რა თქმა უნდა მთლიანად ვეთანხმებით და ვიზიარებთ, მაგრამ ეს ნაწილი გახლავთ მხოლოდ მცირე ნაწილის იმ პრობლემების, რომელიც დღეს ქვეყანაში არსებობს, რომელიც მოიტანა ქართული ოცნების მართვამ. მე უბრალოდ მაგალითისთვის გეტყოდით, რომ პრეზიდენტს არ უხსენებია ის მძიმე პრობლემა, რომელიც უკავშირდება თუნდაც ადამაინების გატაცებას ოკუპირებულ ტერიტორიებზე და არჩილ ტატუნაშვილის მკვლელობას, მას არ უსაუბრია გაზრდილ კრიმინალზე, რომელიც აწუხებს დღეს ძალიან ბევრ ოჯახს, მას არ უსაუბრია კორუფციაზე, რომელი ბრუნდება საქართველოში, ვისურვებდი, რომ პრეზიდენტს ეხსენებია პოლიტიკური დევნის დ არაფორმალური მაღვის საკითხები, საკითხები, რომელიც რეალურად დგას დრეს საქართველოში, ამიტომ იმ პრობლემების იმ მცირე ნაწილითაც კი, რომელიც პრეზიდენტმა საკუთარ გამოსვლაში ახსენა, ნათელია, რომ სიტუაცია ქვეყანაში არის მძიმე, ეკონომიკური მდგომარეობა არის მძიმე, ინსტიტუტების და დემოკრატიული განვითარების მდომარეობა არის მძიმე, მაგრამ რაზეც ჩვენ ვისაუბრებთ იქნება ის თუ ვინ არის პასუხისმგებელი დრევანდელ ვითარებაზე, ვისურვებდი, რომ პრეზიდენტიც უფრო გულწრფელი ყოფილიყო შეფასებაში“, - განაცხადა დავით ბაქრაძემ.