პარტია „ქართული ოცნების“ პოლიტიკური საბჭოს შემადგენლობაში შემავალი პირების სია ცნობილია. გადაწყვეტილების შესახებ დღეს, პარტიის ოფისში გამართული შეხვედრის შემდეგ გახდა ცნობილი.

შეხვედრის დაწყებამდე დავით საგანელიძემ განაცხადა, რომ იგი პოლიტიკურ საბჭოს საკუთარი ნებით დატოვებდა, თუმცა საგანელიძე საბჭოს შემადგენლობაში დარჩა. მან აღნიშნულის შესახებ განმარტება გააკეთა:

„პოლიტსაბჭოს ყველა წევრმა, პრემიერმა, პარტიის მომავალმა თავმჯდომარემ ბიძინა ივანიშვილმა ბრძანეს, რომ არანაირი ინტერესთა კონფლიქტი არ არის პოლიტსაბჭოს წევრობასა და ფონდის თავმჯდომარეობასთან დაკავშირებით. იყო მოსაზრება, რომ დიდი გამოცდილება მაქვს პოლიტიკური ცხოვრების, არა მარტო „ქართული ოცნების“ პერიოდში არამედ მანამდეც, მოგეხსენებათ, 16 წელი პარლამენტის წევრი ვიყავი და ეს წაადგება პარტიას“, - განაცხადა საგანელიძემ.