ლგბტ აქტივისტების პროტესტს კილაძე მართულს უწოდებს - ადამიანის უფლებათა დაცვის კომიტეტის თავმჯდომარეს ადამიანის უფლებების დარღვევაში ადანაშაულებენ

პოლიტიკა - 15:24, 01 May, 2018

1050

ადამიანის უფლებათა დაცვის კომიტეტზე დეპუტატებსა და „თანასწორობის მოძრაობას“ შორის სიტყვიერი დაპირისპირება მოხდა, მოძრაობის წევრები კილაძის კომიტეტის თავმჯდომარეობიდან გათავისუფლებას ითხოვდნენ. ისინი აცხადებენ, რომ კომიტეტის სხდომის დღის წესრიგში ჩანიშნული იყო ღონისძიება, რომელიც 17 მაისს ჰომოფობიის წინააღმდეგ იყო დაგეგმილი, კილაძემ თვითნებურად ჩაშალა. მათი თქმით, ლგბტ უფლებები ცალკე არ არსებობს, შესაბამისად, სოფო კილაძე მთლიანად ადამიანის უფლებებს უგულებელყოფს.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტისთავმჯდომარე, სოფო კილაძე ადამიანის უფლებათა დაცვის კომიტეტის სხდომაზე მომხდარდაპირისპირებას მართულ პროცესებს უწოდებს.

"ზოგადად, უფლებების თემასთან დაკავშირებით ყველა ადამიანს თავისი მოსაზრება აქვს და გასაგებია, რომ ჩვენ ვართ ის კომიტეტი, რომელმაც თითოეული ადამიანი უნდა დავიცვათ, მაგრამ ასეთი ფორმა არის მიუღებელი, როცა მართლა, არავინ ჩვენი კომიტეტიდან არც ჩაგრავს ამ ადამიანებს, არც არავითარი განცხადება ისეთი არ გაკეთებულა. ეს უფრო ჰგავს, ალბათ, მართულ პროცესებს.“- განაცხადა კილაძემ.