ოზურგეთში მშვიდობაძეების ოჯახი გაქურდეს

შემთხვევა - 14:20, 01 May, 2018

1673

ოზურგეთში მშვიდობაძეების ოჯახი გაქურდეს-ავტომანქანების ქურდობის აღდგენილი "ტრადიცია"
ოზურგეთში ავტომანქანების ქურდობის "ტრადიცია" აღდგა
ამ წუთებში რამდენიმე საპატრულო მანქანა ცხემლისხიდსა და შემოქმედში მორიგეობს
გამოძიებისათვის დაუდგენელმა პირებმა წუხელ ამ სოფლის მკვიდრი, 85 წლის იური მშვიდობაძე გაქურდეს.
მშვიდობაძეს წუხელ ავტოფარეხიდან „ოპელის“ ფირმის ავტომობილი მოპარეს.
ოჯახის წევრებმა ჩვენთან საუბარი არ ისურვეს, მაგრამ როგორც მეზობლები აღნიშნავენ, ქურდობა წუხელ პირველი საათის მერე მოხდა.
სახლში 85 წლის მოხუცი მარტო ცხოვრობს და მას არაფერი გაუგია.
მეზობლების თქმით, ავტომანქანის გარდა წაღებულია პლაზმური ტელევიზორი და წყლის საქაჩი.
აღსანიშნავია, რომ ოზურგეთსი ავტომანქანების ქურდობა 10 წელზე მეტია არ მომხდარა. უფრო კონკრეტულად მას შემდეგ რაც ე.წ. "ერგნეთის ბაზრობა" დაიხურა, ავტომანქანების ქურდობების შეწყდა.
ბოლო ორი კვირის განმავლობაში ეს ოზურგეთის რაიონის სოფელ ცხემლისხიდში მომხდარი მეორე შემთხვევაა, რამდენიმე დღის წინ, სოფლის ცენტრში დღემდე გამოძიებისათვის დაუდგენელმა პირებმა მომსახურეობის ცენტრი დააყაჩაღეს, პენსიისრიგში მდგომი პენსიონერები სცემეს, ერთს კი მანქანა გასტაცეს და მიიმალნენ.