ვინ დატოვებს „ქართული ოცნების“ პოლიტსაბჭოს დღეს გახდება ცნობილი. პარტიის ყრილობამდე პოლიტიკური საბჭოს რეორგანიზაცია უკვე გადაწყვეტილია.

"ქართული ოცნების"წევრი გედევან ფოფხაძე, პოლიტსაბჭოში დაგეგმილ ცვლილებებზე საუბრისას ამბობს: "არანაირი მნიშვნელობა არ აქვს მე ვიქნები თუ არა".

მისი თქმით, ყველაზე მნიშვნელოვანი ბოლოს განვითარებულ მოვლენებში ისაა, რომ ბიძინა ივანიშვილი პარტიის თავმჯდომარედ დაბრუნდა.

„მე ვერ ვხედავ ჩემი იქ ყოფნის აუცილებლობას. მარტივად გეტყვით და უპრიანი იქნება, რომ სხვა ადამიანები იყვნენ იქ წარმოდგენილნი. მე რამდენჯერმე ხაზგასმით ვთქვი, რომ ჩემთვის პრინციპული არის, რომ ჩემი ღირებულებების, პრინციპების ადამიანები იყვნენ იქ პოლიტსაბჭოში წარმოდგენილი.

არანაირი მნიშვნელობა არ აქვს მე ვიქნები თუ არა. მე ვფიქრობ, რომ ძალიან მნიშვნელოვანი გადაწყვეტილებები მიიღო ბიძინა ივანიშვილმა იმით, რომ ის დაბრუნდა პოლიტიკაში და პარტიას თავის თავი როგორც თავმჯდომარემ ისე შესთავაზა. ამიტომ მე პირველ რიგში მისი პოზიცია მიმაჩნია ამ შემთხვევაში მნიშვნელოვნად,“-აცხადებს გედევან ფოფხაძე.