მოსახლეობის 60% უმუშევარია, 47%-ის შემოსავალი კი 500 ლარზე ნაკლებია

მოსახლეობის 60% უმუშევარია, 47%-ის შემოსავალი კი 500 ლარზე ნაკლებია - NDI

პოლიტიკა - 12:59, 30 Apr, 2018

1503

ეროვნულ-დემოკრატიულმა ინსტიტუტმა (NDI) საზოგადოებრივი აზრის კვლევის შედეგები წარმოადგინა, რომლის თანახმადაც, მოსახლოების 60% თავს უმუშევრად მიიჩნევს, 40% კი - დასაქმებულად. კითხვაზე, თუ რა იყო გასულ თვეში თქვენი ოჯახის შემოსავალი, 47% პასუხობს, რომ მისი ოჯახის შემოსავალი 500 ლარზე ნაკლები იყო.

NDI-ის კვლევის მიხედვით, მოსახლოების შემოსავლები ასე გამოიყურება (კითხვა გასულ თვეში თქვენი ოჯახის ფულად შემოსავლებზე თუ ვისაუბრებთ ჩამოთვლილთაგან რომელ ჯგუფს მიეკუთვნება თქვენი ოჯახი შინამეურნეობა?)

საერთოდ არ ჰქონია შემოსავალი - 1%

180 ლარამდე შემოსავალი ჰქონდა - 10%

181-300 ლარამდე შემოსავალი - 15%

301-500 ლარამდე შემოსავალი - 21%

501-800 ლარამდე შემოსავალი - 14%

801-1200 ლარამდე შემოსავალი 10%

1201-1600 ლარამდე შემოსავალი 5%

1600 ლარზე მეტი - 5%

არ ვიცი/უარი პასუხზე - 19%

NDI-ს დაკვეთით, CRRC-საქართველოს მიერ მომზადებული კვლევა საქართველოში საზოგადოების განწყობებს ასახავს. გამოკითხვა 2018 წლის 28 მარტიდან 4 აპრილის მონაკვეთში ჩატარდა. მთელი ქვეყნის მასშტაბით (ოკუპირებული ტერიტორიების გარდა) წარმომადგენლობითი შერჩევის პრინციპით გამოიკითხა 2 194 პირი. ცდომის საშუალო ზღვარი არის +/- 2.2%.