ხვალ რომ არჩევნები იყოს: 26% - „ქართულ ოცნება“, 8% - „ენმ“, 4% - „ევროპული საქართველო“

ხვალ რომ არჩევნები იყოს: 26% - „ქართულ ოცნება“, 8% - „ენმ“, 4% - „ევროპული საქართველო“ - NDI

პოლიტიკა - 12:01, 30 Apr, 2018

3191

ეროვნულ-დემოკრატიულმა ინსტიტუტმა (NDI) საზოგადოებრივი აზრის კვლევის შედეგები წარმოადგინა, რომლის თანახმადაც ხვალ რომ საპარლამენტო არჩევნები იყოს, გამოკითხულთა 57% სავარაუდოდ მიიღებდა არჩევნებში მონაწილეობას. მათგან 31% ქართულ ოცნებას დაუჭერდა მხარს, 9% ერთიან ნაციონალურ მოძრაობას, ხოლო 5% - ევროპულ საქართველოს. არჩევნებზე მიმსვლელთა 8% არც ერთ პარტიას არ მისცემდა ხმას, 29%-მა არ იცის, ხოლო 10% პასუხზე უარს ამბობს.

რაც შეეხება გამოკითხულთა საერთო რაოდენობას (ვინც წავა არჩევნებზე და ვინც არ წავა), მათი 26% ქართულ ოცნებას მისცემდა ხმას, 8% - ერთიან ნაციონალურ მოძრაობას, ხოლო 4% - ევროპულ საქართველოს. 13% ამბობს, რომ არც ერთ პარტიას არ მისცემდა ხმას, ხოლო 10% პასუხზე უარს ამბობს.

NDI-ს დაკვეთით, CRRC-საქართველოს მიერ მომზადებული კვლევა საქართველოში საზოგადოების განწყობებს ასახავს. გამოკითხვა 2018 წლის 28 მარტიდან 4 აპრილის მონაკვეთში ჩატარდა. მთელი ქვეყნის მასშტაბით (ოკუპირებული ტერიტორიების გარდა) წარმომადგენლობითი შერჩევის პრინციპით გამოიკითხა 2 194 პირი. ცდომის საშუალო ზღვარი არის +/- 2.2%.