ეროვნულ-დემოკრატიულმა ინსტიტუტმა (NDI) საზოგადოებრივი აზრის კვლევის შედეგები წარმოადგინა, კითხვაზე, რამდენად ეთანხმებით ან არ ეთანხმებით, რომ ეროვნული უსაფრთხოების თვალსაზრისით საქართველო უსაფრთხო ქვეყანაა, 59% -მა განაცხადა რომ ამ მოსაზრებას ეთანხმება, 37 %-მა კი უარყოფითი პასუხი გასცა, არ იცის 4%.

30%-ს მიაჩნია, რომ საქართველოს უსაფრთხოებას აშშ ყველაზე უკეთ უზრუნველყოფს. 17%-მა არ იცის, 16%-ს მიაჩნია, რომ უსაფრთხოებას თავად საქართველო უზრუნველყოფს ყველაზე უკეთ, 13%-ს ასეთ ქვეყნად რუსეთი მიაჩნია. „არც ერთი“ ასეთი პასუხი გასცა 13%-მა. 3% ასეთ ქვეყნად აზერბაიჯანს თვლის, ხოლო 2% თურქეთს. 1-1% აქვთ გერმანიას, სომხეთს, დიდ ბრიტანეთს და საფრანგეთს, სხვა ქვეყნები დაასახელა 2%-მა.

NDI-ს დაკვეთით, CRRC-საქართველოს მიერ მომზადებული კვლევა საქართველოში საზოგადოების განწყობებს ასახავს. გამოკითხვა 2018 წლის 28 მარტიდან 4 აპრილის მონაკვეთში ჩატარდა. მთელი ქვეყნის მასშტაბით (ოკუპირებული ტერიტორიების გარდა) წარმომადგენლობითი შერჩევის პრინციპით გამოიკითხა 2 194 პირი. ცდომის საშუალო ზღვარი არის +/- 2.2%.