„კარგია, რომ ნაციონალური მოძრაობის ლიდერმა დღეს ლანძღვას თავი აარიდა“

„კარგია, რომ ნაციონალური მოძრაობის ლიდერმა დღეს ლანძღვას თავი აარიდა“ – „ევროპული საქართველოს“ პასუხი სააკაშვილს

პოლიტიკა - 18:45, 29 Apr, 2018

1503

ვანი-ხონის არჩევნების შედეგებთან დაკავშირებით, მიხეილ სააკაშვილის განცხადებას გამოეხმაურნენ ,,ევროპულ საქართველოში“. ირაკლი კიკნაველიძის განცხადებით, გუშინდელ არჩევნებთან მიმართებაში, მათი პარტიისა და სააკაშვილის დასკვნები კვლავაც განსხვავებულია.

„კარგია, რომ ერთიანი ნაციონალური მოძრაობის ლიდერმა დღეს ლანძღვას და ბრალდებებს ევროპული საქართველოს მიმართ თავი აარიდა და ამჯერად ბინძური ბრალდებები აღარ მოგვისმენია, მაგრამ მისი კომენტარი აჩვენებს, რომ ჩვენ გუშინდელი არჩევნებიდან კვლავ განსხვავებული დასკვნები გავაკეთეთ.

ჩვენ მიგვაჩნია ოპოზიციური პარტიების აქტიურობა და ოპოზიციური ამომრჩევლის არჩევნებზე მობილიზებაა ხელისუფლების შეცვლის ერთადერთი ის გზა, რომელიც აწყობს ჩვენს დემოკრატიას და მომავალ კეთილდღეობას“ - აცხადებს კიკნაველიძე.

საპრეზიდენტო არჩევნებზე კანდიდატთან დაკავშირებით პრაიმერიზს რაც შეეხება, ,,ევროპული საქართველოს“ წევრი თქმით, არჩევნების პირველი ტური არის ყველაზე ბუნებრივი პრაიმერუზი, საუკეთესო კანდიდატის გამოსავლენად.

„როცა ჩვენ ვსაუბრობთ თანამშრომლობაზე, სანამ საპრეზიდენტოზე დავიწყებდით საუბარს, ამის შესაძლებლობა სხვაგანაც იყო, მაგალითად ვანსა და ხონში. ამ არჩევნებმა დაადასტურა, რომ ბოიკოტი არასწორი არჩევანია, არასწორია არჩევნების მიმართ უიმედობის დანერგვა. რაც შეეხება საპრეზიდენტო არჩევნებს, აქაც მნიშვნელოვანია, რომ პოლიტიკურმა პარტიებმა ერთმანეთთან ხიდები არ დავწვათ, რადგან ეს არჩევნები ჩვენ გვაძლევს შანსს, რომ პირველი ტური იყოს ბუნებრივი პრაიმერიზი ოპოზიციურ პარტიებს შორის, რომელიც გამოავლენს ერთ ძლიერ კანდიდატს, ხოლო მეორე ტურში ჩვენ შევძლებთ, რომ ყველა ოპოზიციურმა პროდასავლურმა ძალამ დავუჭიროთ მხარი ყველაზე ძლიერ კანდიდატს,’’- განაცხადა ირაკლი კიკნაველიძემ.