ამ დღესთან დაკავშირებით თავდაცვის სამინისტრო დაგეგმილი ღონისძიებების ანონსს ავრცელებს:

09:30 საათი - თავდაცვის მინისტრი ლევან იზორია და გენერალური შტაბის უფროსი, გენერალ-მაიორი ვლადიმერ ჩაჩიბაია ავღანეთსა და აფრიკის კონტინენტზე მიმდინარე საერთაშორისო მისიებში მონაწილე ქართველ მშვიდობისმყოფელებს შეიარაღებული ძალების დღეს ვიდეოკონფერენციის საშუალებით მიულოცავს.

საქართველოს შეიარაღებული ძალების დღესთან დაკავშირებით ავღანეთში, ბაგრამის საავიაციო ბაზაზე ქართველი მშვდიობისმყოფელების პირველი მასშტაბური სწავლება გაიმართება.

11:00 საათი - საქართველოს შეიარაღებული ძალების დღე ვაზიანში, IV მექანიზებულ ბრიგადაში. სამხედრო მოსამსახურეებს ქართული არმიის დღეს მიულოცავენ საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი, საქართველოს პარლამენტის თავმჯდომარე ირაკლი კობახიძე, თავდაცვის მინისტრი ლევან იზორია და გენერალური შტაბის უფროსი, გენერალ-მაიორი ვლადიმერ ჩაჩიბაია.

წელს ქართული არმია პროფესიულ დღეს სიახლეებით ხვდება. წარმოდგენილი იქნება პირველი ქართული ქვედანაყოფი, რომელიც მაისიდან საქართველოს თავდაცვის მზადყოფნის პროგრამის (GDRP) ფარგლებში მასშტაბურ წვრთნებს დაიწყებს. გამოფენილი იქნება საქართველოს შეიარაღებაში არსებული ჯაველინის ტიპის ტანკსაწინააღმდეგო მართვადი რაკეტები.

მოგვიანებით, კი IV მექანიზებული ბრიგადის საკონფერენციო დარბაზში თავდაცვის სამინისტროს განახლებული ვებ-გვერდის, საქართველოს სამხედრო ისტორიის გვერდის, ასევე ისტორიული და სამხედრო-პოლიტიკური თემატიკის ფეისბუქ ტესტების პრეზენტაცია გაიმართება.

მისამართი: დაბა ვაზიანი, IV მექანიზებული ბრიგადა.

გთხოვთ ღონისძიებაზე დასწრების მსურველი მედიის წარმომადგენლები ვაზიანში, IV მექანიზებული ბრიგადის შესასვლელთან 10:00 საათზე მობრძანდეთ.

11:00 საათი - საქართველოს შეიარაღებული ძალების დღე სენაკში, II ქვეით ბრიგადაში. სამხედრო მოსამსახურეებს ქართული არმიის დღეს გენერალური შტაბის უფროსის პირველი მოადგილე, პოლკოვნიკი ნიკოლოზ ჯანჯღავა და სახმელეთო ჯარების დასავლეთ სარდალი, ბრიგადის გენერალი გიორგი მათიაშვილი მიულოცავენ.

მისამართი: სენაკი, II ქვეითი ბრიგადა.

გთხოვთ ღონისძიებაზე დასწრების მსურველი მედიის წარმომადგენლები სენაკში, II ქვეითი ბრიგადის შესასვლელთან 10:30 საათზე მობრძანდეთ.

საკონტაქტო პირი: გიორგი თუხარელი 577 39 30 07