რუსეთის მიმართ გიორგი კვირიკაშვილის გრძნობებთან დაკავშირებით ბელორუსის პრეზიდენტის მიერ გაკეთებულ განცხადებას, უმრავლესობის ლიდერი გამოეხმაურა. არჩილ თალაკვაძის თქმით პრემიერი ნამდვილი პატრიოტია და ქვეყნის ინტერესების გათვალისწინებით მოქმედებს:

„პრემიერი არის ნამდვილი პატრიოტი, ადამიანი, რომელიც ქართულ, ჩვენს ეროვნულ ღირებულებებს უჭერს მხარს, იცავს საკუთარი ქვეყნის ინტერესებს და აქვს ძალიან მნიშვნელოვანი გეგმები საქართველოს ევროატლანტიკურ ინტეგრაციასთან დაკავშირებით. შესაბამისად, ბუნებრივია, მას ვერავინ ვერ დასდებს ბრალს, რომ რაღაც ტიპის განცხადებები როდესმე აქვს გაკეთებული ამ ღირებულებების წინააღმდეგ.“ - განაცხადა არჩილ თალაკვაძემ.