ეროვნული ბანკის ახალი რეგულაციები - სწორედ აღნიშნული თემა იქნება დღეს განსახილველი საგანი პარლამენტში დეპუტატებისა და ბიზნესმენების შეხვედრაზე. საფინანსო-საბიუჯეტო კომიტეტის თავმჯდომარის ინიციატივით საკანონმდებლო ორგანოში ბიზნეს ასოციაციის წარმომადგენლები მიდიან.

ოპოზიციის რიგებში აცხადებენ, რომ ცვლილება საბანკო სისტემისთვის მხოლოდ უარყოფითი და საფრთხის შემცველია.

„სესხების ხელმისაწვდომობა დღეს უფრო უარესია ვიდრე ერთი წლის წინ. კიდევ უფრო გაუარესდება ამ რეგულაციის შემდეგ. ადამიანებს გაუჭირდებათ სესხის აღება. ხელის მოჭერის პოლიტიკა მარეგულირებელმა პოლიტიკამ, რომელიც უკვე ამ მთავრობის ხაზი იყო, საბოლოო ჯამში იწვევს კონკურენციის შეზღუდვას და საბანკო სისტემისთვის განვითარების ხელშეშლას,“-განაცხადა ენმ-ს წევრმა რომან გოცირიძემ.